ئابوورى
وه‌به‌رهاوردن له‌ كوردستان ره‌سيه‌ 50 مليار دۆلار

وه‌به‌رهاوردن له‌ كوردستان ره‌سيه‌ 50 مليار دۆلار


شه‌فه‌ق نيوز/ ياسين مه‌حمود قسه‌كه‌ر وه‌ناو يه‌كێتى وه‌به‌رهاوه‌ره‌يل كوردستان، ئاشكراى ئه‌وه‌ كرد ك ئابوورى هه‌رێم كوردستان روێ له‌ گه‌شه‌كردن وه‌رده‌وام كردگه‌ وه‌ به‌راورد وه‌ل باقى پاريزگايه‌يل تر عراق و قه‌واره‌ێ وه‌به‌رهاوردن ره‌سيه‌سه‌ 50 مليار دۆلار و باس له‌وه‌يش كرد بڕياره‌گه‌ێ نێچيروان بارزانى سه‌رۆك حكومه‌ت فريه‌يگ له‌ بازرگانه‌يل و سه‌رمايه‌داره‌يل له‌ ئفلاس قورتار كردگه‌.

 

مه‌حمود وت: هه‌رێم كوردستان خاستره‌ له‌ هه‌ر ناوچه‌يگ تر له‌ عراق ئه‌را كه‌رت وه‌به‌رهاوردن له‌گشت لايه‌نيگه‌ له‌وه‌ر ئه‌وه‌گ گه‌شه‌كردن له‌تى وه‌رده‌وامه‌ له‌ زيايبوين و باس له‌وه‌يش كرد قه‌واره‌ى وه‌به‌رهاوردن له‌ هه‌رێم ره‌سيه‌سه‌ 50 مليار دۆلار ئه‌مريكى و وه‌به‌رهاوردن ده‌ره‌كى خوه‌ى له‌ زياتر له‌ 30% له‌ كه‌رت وه‌به‌رهاوردن دوينێد ك قه‌واره‌گه‌ێ ره‌سيده‌ نزيكه‌ى 16 مليار دۆلار.

 

جى باسه‌، مه‌حمود هه‌ميش وت: له‌ ماوه‌ى گوزه‌يشت وه‌به‌رهاوردن له‌ 13 كه‌رت جياجيا له‌ هه‌رێم بوێ، له‌ليانيش كه‌رته‌يل گرنگ جوور پيشه‌سازى و كشتوكاڵ و گه‌شتيارێ.