هــــه‌واڵ كــوردى
واشنتۆن وه‌ بڕ 364 مليۆن دۆلار ده‌سميه‌ت پێشمه‌رگه‌ ئه‌ياد

واشنتۆن وه‌ بڕ 364 مليۆن دۆلار ده‌سميه‌ت پێشمه‌رگه‌ ئه‌ياد


شه‌فه‌ق نيوز/ برادلى بيكه‌ر فه‌رمانده‌ى سه‌ركردايه‌تى نويسينگه‌ى هاوكارى ئاسايشى ئه‌مريكى له‌ عراق، ئاشكراى ئه‌وه‌ كرد ك وڵاته‌گه‌ى وه‌رده‌وام ئه‌دێ له‌ پڕچه‌ككردن هيزه‌يل پێشمه‌رگه‌.

 

له‌ ى باوه‌ته‌و، به‌ياننامه‌يگ ئه‌وه‌ ده‌رخست ك كه‌ريم سنجارى وه‌زير پێشمه‌رگه‌ وه‌ وكاله‌ت پيشوازى له‌ بيكه‌ر و شانده‌ ياوه‌ره‌گه‌ى كردگه‌و شاند ئه‌مريكى ئاشكراى كردگه‌ ك ئه‌مريكا وه‌رده‌وام ئه‌دێ له‌ پڕچه‌ككردن هيزه‌يل پێشمه‌رگه‌و كۆنگرس ئه‌مريكييش بڕيار داگه‌ ده‌سميه‌ت دارايى وه‌ بڕ 364 مليۆن دۆلار بيه‌ێده‌ وزاره‌ت پێشمه‌رگه‌ له‌ ساڵ 2018.

 

جى باسه‌، به‌ياننامه‌گه‌ هه‌ميش وت: بيكه‌ر جه‌خت له‌وه‌يش كردگه‌ ك وڵاته‌گه‌ى پشتگيرى له‌ هه‌رێم كوردستان ئه‌كا تا وه‌هێز بدێ و باسيش له‌وه‌ كرد ك سنجارييش داوا له‌ هيزه‌يل هاوپه‌يمان ناوده‌وڵه‌تى كردگه‌ له‌ هه‌رێم كوردستان بمينن ئه‌را وه‌رده‌وامى له‌ په‌ره‌داين و مه‌شقداين هيزه‌يل پێشمه‌رگه‌.