هــــه‌واڵ عــیراق
عراق ئه‌نجومه‌ن ئاسايش له‌وه‌ر زيايكردن سێ كه‌س له‌ليست سزايه‌يل رازێ كرد

عراق ئه‌نجومه‌ن ئاسايش له‌وه‌ر زيايكردن سێ كه‌س له‌ليست سزايه‌يل رازێ كرد


شه‌فه‌ق نيوز/ سه‌رچه‌وه‌يگ له‌ حكومه‌ت عراقى، ئه‌وه‌ ده‌رخست ك ليژنه‌ى په‌يوه‌نديدار وه‌ چه‌وديرى دوسيه‌ى ريكخرياگ داعش و ئه‌لقاعيده‌ له‌ ئه‌نجومه‌ن ئاسايش ناوده‌وڵه‌تى رازيه‌ بويه‌ له‌بان زيايكردن سێ كه‌س تازه‌ ئه‌را ليست سزايه‌يل نه‌ته‌وه‌يل يه‌كگرتگ ده‌رهه‌ق كه‌س و قه‌واره‌يل تايبه‌ت وه‌ سڕكردن دارايى وه‌ گووره‌ى به‌ند هه‌فتم له‌ ريككه‌فتن نه‌ته‌وه‌يل يه‌كرگتگ.

 

له‌ى باوه‌ته‌و، سه‌رچه‌وه‌يگ ئه‌را شه‌فه‌ق نيوز وت: زيايكردن ئى كه‌سه‌يله‌ خوه‌ى له‌‌هه‌ر يه‌ك له‌يانه‌ دوينێده‌و ك پيكهاتنه‌ له‌: سالم مسته‌فا محه‌مه‌د ئه‌لمه‌نسور ناسرياێ وه‌ سالم ئه‌لعفرى و عومه‌ر مه‌حمود ره‌حيم ئه‌لموبه‌يسى له‌ پاريزگاى ئه‌نبار و كومپانياى ئه‌لكه‌وسه‌ر ئه‌را هه‌واڵه‌كردن دارايى.

 

جى باسه‌، سه‌رچه‌وه‌گه‌ هه‌ميش وت: كار وه‌رده‌وامه‌ ئه‌را جورمكردن گشت سه‌ركرده‌و چه‌ته‌يل ريكخرياگ ترۆريستى داعش و لايه‌ن و كومپانيايه‌يل و ئه‌وانه‌ك ته‌مويل تيرۆريسته‌يل كردنه‌.