هــــه‌واڵ عــیراق
ئامار تازه‌يگ له‌بان شماره‌ى داعش له‌ موسڵ ئاشكرا كريا

ئامار تازه‌يگ له‌بان شماره‌ى داعش له‌ موسڵ ئاشكرا كريا


شه‌فه‌ق نيوز/ جۆن دوريان قسه‌كه‌ر وه‌ناو هاوپه‌يمان ناوده‌وڵه‌تى ئاشكراى وجوود كه‌متر له‌ هه‌زار چه‌كدار له‌ ريكخرياگ ترۆريستى داعش له‌ موسڵ كرد و وت: چاره‌نويسيان ئه‌وه‌سه‌ يا خوه‌يان بيه‌نه‌ ده‌سه‌و يا كوشيه‌ن.

 

دوريان وت: راسه‌ ك ئى قوناغه‌ خه‌ته‌رناك و سه‌خته‌ له‌ جه‌نگ موسڵ و ناوچه‌گه‌ مه‌ده‌نيه‌يل فريه‌يگ له‌تى وجوود ديرن و داعش جوور قه‌ڵغان وه‌كاريان ئه‌يه‌رێد، وه‌لێ هيزه‌يل عراقى وه‌رده‌وامن له‌ پيشڕه‌وى و دوياخريش داعش له‌ناو ئه‌وريه‌ێد و ئيمه‌يش حاڵ حازر ناتويه‌نيم بويشيم كه‌ى ته‌مام ئه‌دێ.

 

جى باسه‌، دوريان هه‌ميش وت: ئيمه‌ ئه‌تويه‌نيم بويشيم كه‌متر له‌ هه‌زار چه‌كدار داعشى مه‌ندنه‌ له‌ موسڵ و تواناى وه‌ده‌سهاوردن ده‌سميه‌تيش نه‌يرن، يا ئه‌وه‌سه‌ خوه‌يان بيه‌نه‌ ده‌سه‌و يا بكوشيه‌ن، چوينكه‌ هويچ ڕييگيش ئه‌راواين نه‌يرن.