هــــه‌واڵ عــیراق
له‌ بانكيگ عراقى 122 قه‌رز درووكانى كۆنترۆڵ كريا

له‌ بانكيگ عراقى 122 قه‌رز درووكانى كۆنترۆڵ كريا


شه‌فه‌ق نيوز/ نويسينگه‌ى وشكاننكار وزاره‌ت دارايى، ئاشكراى كۆنتررۆڵكردن ده‌يان قه‌رزه‌يل درووكانى كرد ك له‌لايه‌ن بانك ئه‌لڕه‌شيده‌و خه‌رج كريانه‌.

 

نويسينگه‌گه‌ له‌ به‌ياننامه‌يگ وت: له‌ڕى كاره‌يل دقه‌تكردن و وشكانن وه‌رده‌وامه‌و، تويه‌نستيم مه‌سه‌له‌ى خه‌رجكردن ئه‌و قه‌رزه‌يل درووكانيه‌ له‌ بانك ئه‌لڕه‌شيد ئاشكرا بكه‌يم وه‌ به‌ڵگه‌و وه‌ره‌قه‌يل ساخته‌و وه‌كيله‌يل درووكانى.

 

جى باسه‌، به‌ياننامه‌گه‌ هه‌ميش وت: دوياى دقه‌تكردن كاره‌گه‌ ئه‌وه‌ ده‌ركه‌فت ك ئه‌و قه‌رزه‌يله‌ وه‌ ره‌زامه‌نى و وه‌ره‌قه‌و به‌ڵگه‌يليگ ساخته‌كارى دريانه‌و شماره‌يان فيشتره‌ له‌ 122 قه‌رز درووكانى وه‌ بڕ 55 مليۆن دينار ئه‌را هه‌ر قه‌رزيگ له‌و قه‌رزه‌يله‌.