هــــه‌واڵ عــیراق
به‌غدا مه‌سه‌له‌يگ ئاگادار واشنتۆن كرد له‌باره‌ى وجووده‌ سه‌ربازيه‌گه‌ێ

به‌غدا مه‌سه‌له‌يگ ئاگادار واشنتۆن كرد له‌باره‌ى وجووده‌ سه‌ربازيه‌گه‌ێ


شه‌فه‌ق نيوز/ حكومه‌ت عراقى، ئاشكراى ئه‌وه‌ كرد ئاگادار لايه‌ن ئه‌مريكى كردگه‌ له‌باره‌ى مه‌سه‌له‌ى تايبه‌ت وه‌ وجوود سه‌ربازێ بيگانه‌ له‌ وڵاته‌گه‌.

 

له‌ى باوه‌ته‌و، عادل عه‌بدولمه‌هدى سه‌رۆك وه‌زيره‌يل له‌ كۆنگره‌ى هه‌فتانه‌ى رووژنامه‌گه‌رێ وت: ئاگادار لايه‌ن ئه‌مريكى كرديمنه‌ له‌باره‌ى ئه‌وله‌ويات عراق وه‌رانوه‌ر وجوود سه‌ربازێ بيكانه‌ و يه‌يش ده‌رخست ك عراق هويچ وه‌ختيگ نادێده‌ ناوچه‌ى جه‌نگ و كوشتار هه‌رێمى.

 

باس له‌وه‌يش كرد عراق ئه‌زموون فريه‌گ ئه‌را جه‌هان پيشكه‌ش كردگه‌ له‌باره‌ى روێ وه‌ڕوێ بوينه‌وه‌ى داعش و بايه‌سيشه‌ له‌بان جه‌هان وه‌ خاسى جواومان بيه‌نه‌و.