هــــه‌واڵ عــیراق
دادوه‌ريگ ئه‌مريكى ده‌ركردن عراقيه‌يل وسان

دادوه‌ريگ ئه‌مريكى ده‌ركردن عراقيه‌يل وسان


شه‌فه‌ق نيوز/ دادوه‌ريگ دادگاێ ناوه‌ندێ، ده‌ركردن گشت هاووڵاتيه‌يل عراقى وه‌لاى كه‌مه‌و تا 24 يۆليۆ/ ته‌ممووز وسان له‌وانه‌گ له‌ى دوياخره‌ گيريانه‌ له‌ وه‌خت هه‌ڵمه‌ت له‌بان كووچبه‌ره‌يل له‌ شوونه‌يل جياجياێ وڵاته‌يل يه‌كگرتگ.

 

دادوه‌ر مارك جولد سميس له‌ ديترۆيت وت: هووكاره‌يليگ باوه‌ڕ وه‌پيكرياێ هه‌س ئه‌را دريژه‌وكردن ماوه‌ێ مه‌ندن ئه‌و كووچبه‌ره‌يل عراقيه‌ جوور ئه‌وه‌گ يه‌كێتێ ئه‌مريكى ئه‌را ئازاديه‌يل مه‌ده‌نى خوازيارى بويه‌.

 

جى باسه‌، شماره‌يگ له‌ عراقيه‌يل له‌ى دوياخره‌ گيريانه‌ له‌ ناوچه‌يل جياجياێ وڵاته‌يل يه‌كگرتگ و زورميانيش له‌ ناوچه‌يل ديترۆيت و ناشفيل گيريانه‌ ك پيكهاتنه‌ له‌ كلدان كاسۆليكى و كورده‌يل عراقى و بڕيار بوێ له‌ وڵاته‌يل يه‌كگرتگ ده‌ربكريه‌ن.