هــــه‌واڵ كــوردى
شاند حكومه‌ت كوردستان ئاشكراى ئاكام دانيشتنگه‌ى كرد له‌ به‌غدا

شاند حكومه‌ت كوردستان ئاشكراى ئاكام دانيشتنگه‌ى كرد له‌ به‌غدا


شه‌فه‌ق نيوز/ شاند حكومه‌ت هه‌رێم كوردستان ك سه‌ردان به‌غدا كرد، ئاشكراى ئه‌وه‌ كرد ك دانيشتنه‌يل ئيجابييگ وه‌ل حكومه‌ت ناوه‌ندى ئه‌نجام داگه‌و باس له‌وه‌يش كرد ك دوشه‌ممه‌ى ئاينده‌يش شاند به‌غدا سه‌ردان هه‌ولێر ئه‌كا ئه‌را گفتگوو له‌باره‌ێ ئه‌و خاڵه‌يله‌ ك ريككه‌فتن له‌بان كريا له‌وه‌ر ره‌سين ئه‌را ريككه‌فتنيگ له‌ باره‌يانه‌و.

 

شاند كوردستانى له‌ به‌ياننامه‌يگ ئه‌را شه‌فه‌ق نيوز ئه‌وه‌ ده‌رخست ك گفتگوو وه‌ل ليژنه‌يگ تايبه‌ت له‌ حكومه‌ت ناوه‌ندێ ئه‌نجام دانه‌ وه‌ سه‌رپه‌رشى قاسم ئه‌عره‌جى وه‌زير ناوخوه‌يى و وه‌ دانيشتنيگ ئيجابى تاريفى كرد.

 

جى باسه‌، به‌ياننامه‌گه‌ هه‌ميش وت: ئه‌عره‌جى له‌و دانيشتنه‌ باس له‌ چاره‌سه‌ر ناكووكيه‌يل ناونى هه‌ولێر و به‌غدا كردگه‌ وه‌ل خواست ئداره‌كردن ده‌روازه‌يل مه‌رزێ و گومرگه‌يل و ته‌ياره‌خانه‌يل و وه‌ربه‌سه‌يل وه‌ گووره‌ى ده‌ستوور و ياسا.