هــــه‌واڵ عــیراق
مه‌ترسى له‌ هه‌وڵ ئيران ئه‌را دامه‌زرانن سوپايگ عه‌قيده‌يى له‌ عراق ئه‌كريه‌ێد

مه‌ترسى له‌ هه‌وڵ ئيران ئه‌را دامه‌زرانن سوپايگ عه‌قيده‌يى له‌ عراق ئه‌كريه‌ێد


شه‌فه‌ق نيوز/ باوه‌ته‌گه‌ى به‌يان جه‌بر زوبێدى وه‌زير وه‌رين و سه‌ركرده‌ له‌ ئه‌نجومه‌ن باڵاى ئسلامى ك له‌ يه‌كيگ له‌ رووژنامه‌يل ناوچه‌يى بڵاويه‌و كرد له‌باره‌ى دامه‌زرانن سوپايگ ك وه‌ سوپاى عه‌قيده‌يى تاريفى كرد بويه‌ ده‌نگ وباس راێ گشتى ناوچه‌يى له‌باره‌ى وه‌رده‌وامبوين جه‌نگ و خوينڕشانن له‌وه‌ر خاتر جيوه‌جيكردن پلانه‌يليگ ك عراق هويچ به‌رژه‌وه‌ندييگ له‌تى نه‌يرێد.

 

محه‌مه‌د كه‌ربولى ئه‌ندام په‌رله‌مان له‌ توێته‌ر وت: ئيمه‌ دێ جاڕس بويمنه‌ له‌ده‌س دامه‌زرانن سوپا و وه‌سه‌ربازكردن كۆمه‌ڵگا له‌وه‌ر خاتر جه‌نگه‌يليگ ك كليۆنه‌ها يه‌تيم و بيوه‌ژن له‌لى ئه‌كه‌فنه‌و، هه‌ر وه‌و خاتريشه‌ كه‌ربولى داواكرد ريگرى له‌ رشانن خوين جايه‌ڵه‌يل بكريه‌ێد و پلان ئه‌را بنياتناين عراق بنريه‌ێد ك دامه‌زرانن سوپا.

 

زوبێدى له‌وه‌ختيگ وه‌زير ناوخوه‌يى بوێ له‌ناونى ساڵه‌يل 2005- 2006، داواى دامه‌زرانن سوپايگ عه‌قيده‌يى كرد ك پيك باێد له‌ فه‌سيله‌يل حه‌شد شه‌عبى و عه‌شايرى و شماره‌ى بڕه‌سێده‌ 3 مليۆن جه‌نگاوه‌ر ئه‌را روێ وه‌ڕوێ بونه‌وه‌ى ئه‌و هيزه‌يله‌ ك له‌پشت ده‌رياو ده‌وڵه‌ته‌يل خه‌ڵه‌تياگه‌و له‌ناوچه‌گه‌ ئه‌يه‌ن، ك ئى مسته‌ڵحيشه‌ وه‌پرسه‌يل ئيرانى وه‌ هيزه‌يل ئه‌مريكى ئويشنه‌ێ.

 

جى باسه‌، زوبێدى داوايش كرد نواگيرى له‌ پلانه‌يل دوناڵد ترامپ سه‌رۆك ئه‌مريكايش بكريه‌ێد و ئه‌و پلانه‌يله‌ وه‌ شه‌ڕ ناوبرد و وڵاته‌يل يه‌كگرتگيش وه‌ جيوه‌جيكار پلانه‌يل تاريف كرد ئه‌را فراوانكردن بازنه‌ى نفوز داعش له‌ عراق و سوريا.