هــــه‌واڵ كــوردى
نه‌ته‌وه‌يل يه‌كگرتگ راپرسێ هه‌رێم كوردستان تاوتوێ ئه‌كا

نه‌ته‌وه‌يل يه‌كگرتگ راپرسێ هه‌رێم كوردستان تاوتوێ ئه‌كا


شه‌فه‌ق نيوز/ بڕياره‌ ريكخرياگ نه‌ته‌وه‌يل يه‌كگرتگ له‌ راپۆرتيگێ باس له‌ بارودوخ عراق بكا و له‌وانه‌يش راپرسێ سه‌روه‌خوه‌يى ك بڕياره‌ له‌ رووژ 25 ئه‌يلوول ئاينده‌ له‌ هه‌رێم كوردستان ئه‌نجام بدريه‌ێد.

 

ئى راپۆرته‌ باس له‌ چه‌ن مه‌سه‌له‌ێگ ئه‌گرێده‌ خوه‌ێ و ديارترينيانيش راپرسێ و دانيشتن حزبه‌يل كوردستانى له‌ 7 نيسان 2017 ك له‌تى ريككه‌فتن له‌بان ئه‌نجامداين راپرسێ و دانيشتن نوێنه‌ر ئه‌ميندار گشتى نه‌ته‌وه‌يل يه‌كگرتگ وه‌ل وه‌رپرسه‌يل له‌ هه‌رێم له‌ رووژ 13ى حزيران و ره‌ته‌وكردنى له‌ به‌شداريكردن له‌ پرووسه‌ێ ئه‌نجامداين راپرسێ.

 

جى باسه‌، راپۆرته‌گه‌ ك شه‌ش خاڵ له‌لى ئه‌را تاوتوێكردن راپرسێ ته‌رخان كريه‌ێد، باس هه‌ڵويست هه‌ر يه‌ك له‌ ئه‌ڵمانيا و روسيا و ئيران و توركيايش ئه‌كا.