هــــه‌واڵ عــیراق
هيزه‌يل له‌ كه‌ركوك چوار كه‌س له‌ خيزانيگ كوشتن و زه‌خمدار كردن

هيزه‌يل له‌ كه‌ركوك چوار كه‌س له‌ خيزانيگ كوشتن و زه‌خمدار كردن


شه‌فه‌ق نيوز/ سه‌رچه‌وه‌يگ وه‌رپرس ئاسايشى و شايه‌تحاڵه‌يل باس له‌وه‌ كردن ك پيره‌ ژنيگ وه‌ گوله‌ى هيزه‌يل عراقى كوشياگه‌و سێ كه‌سيش زه‌خمدار بوينه‌و له‌ ناوچه‌يگ كوردنشين له‌ ناوڕاس شار كه‌ركوك و گشتيانيش له‌ يه‌ك خيزانن.

 

سه‌رچه‌وه‌گه‌و شايه‌تحاڵه‌يل ئه‌را شه‌فه‌ق نيوز وتن: دوياى بوردمانكردن باره‌گاى پارت ديموكرات كوردستان له‌ ناوچه‌ى شوراو له‌ كه‌ركوك وه‌ هاوه‌ن، هيزيگ له‌ورا له‌ناو باره‌گاگه‌ گوله‌ى فريه‌يگ ته‌قانگه‌و بويه‌سه‌ هووكار كوشيان پيره‌ژنيگ و زه‌خمداركردن سێ كه‌س تر له‌ خيزانه‌گه‌ێ.

 

جى باسه‌، سه‌رچه‌وه‌گه‌و شايه‌تحاڵه‌يل يه‌يش ده‌رخستن ك ئه‌و پيره‌ژن كوشياگه‌ ناوى "حه‌لاوه‌ نه‌سره‌دين سه‌عدون"و ته‌مه‌نى 65 ساڵ بويه‌و ئه‌وانه‌يش زه‌خمدار بوينه‌ وه‌ناو"له‌يلا عه‌لى زه‌يدان"ته‌مه‌نى 78 ساڵ و "مه‌ريوان عه‌لى"ته‌مه‌نى 41 ساڵ و "كوێستان محه‌مه‌د ئبراهيم" ته‌مه‌ن 36 ساڵان.