هــــه‌واڵ كــوردى
كوردستان ليژنه‌ێ دانيشتن سه‌روه‌خوه‌يى وه‌ل ئۆرپا و به‌غدا و ده‌وڵه‌ته‌يل ناوچه‌گه‌ دامه‌زرنێد

كوردستان ليژنه‌ێ دانيشتن سه‌روه‌خوه‌يى وه‌ل ئۆرپا و به‌غدا و ده‌وڵه‌ته‌يل ناوچه‌گه‌ دامه‌زرنێد


شه‌فه‌ق نيوز/ خه‌ليل ئبراهيم ئه‌ندام ئه‌نجومه‌ن سياسى يه‌كێتى ئسلامى كوردستان ئاشكراێ دامه‌زرانن ليژنه‌يل كرد ك ئه‌ركيان تاوتوێكردن راپرسێ و ماف بڕيار چاره‌نويس ئه‌را سه‌روه‌خوه‌يى هه‌رێم كوردستان له‌ عراق وه‌ل ده‌وڵه‌ته‌يل ئۆرپى و حكومه‌ت ناوه‌ندێ له‌ به‌غدا و ده‌وڵه‌ته‌يل هاوساو ناوچه‌گه‌.

 

ئبراهيم له‌ لێدوانيگ ئه‌را رووژنامه‌نوسه‌يل وت: ئيمه‌ ركابه‌رێ وه‌ل وه‌ختا ئه‌كه‌يم ئه‌را ئه‌نجامداين راپرسى و وه‌ده‌سهاوردن سه‌روه‌خوه‌يى و چيمنه‌سه‌ قوناغه‌يل كرده‌وه‌يى له‌ بواره‌ و مه‌سعود بارزانى سه‌رۆك هه‌رێم كوردستانيش سه‌ردان برۆكسل ئه‌كا ئه‌را تاوتوێكردن راپرسى وه‌ل سه‌ركرده‌يل ئۆرپى.

 

جى باسه‌، ئبراهيم باسيش له‌ دامه‌زرانن ليژنه‌يليش كرد ك ئه‌رك ئه‌و ليژنه‌يل گفتگووه‌ له‌باره‌ێ راپرسى وه‌ل ئۆرپا و ده‌وڵه‌ته‌يل هاوسا و ده‌وڵه‌ته‌يل ناوچه‌گه‌و حكومه‌ت ناوه‌ندێ و هيز و لايه‌نه‌يل سياسى له‌ به‌غدا.