هــــه‌واڵ كــوردى
سه‌ركرده‌ێ حزبيگ كوردستانى ئاشكراى هاتنه‌وه‌ى په‌يوه‌نديه‌يل ناونى هه‌ولێر و ئه‌نقه‌ره‌ كرد

سه‌ركرده‌ێ حزبيگ كوردستانى ئاشكراى هاتنه‌وه‌ى په‌يوه‌نديه‌يل ناونى هه‌ولێر و ئه‌نقه‌ره‌ كرد


شه‌فه‌ق نيوز/ سه‌ڵاحه‌دين به‌هادين ئه‌ميندار گشتى يه‌كێتى ئسلامى كوردستانى، ئاشكراى هاتنه‌وه‌ى په‌يوه‌نديه‌يل ناونى هه‌رێم كوردستان و توركيا كرد ئه‌را حاڵه‌ت سروشتى دوياى ناكووكيه‌يليگ ك روێدا له‌ناونى هه‌ردوگلا وه‌ بوونه‌ى راپرسى ك رووژ 25 ئه‌يلوول گوزه‌يشت ئه‌نجام دريا ئه‌را سه‌روه‌خوه‌يى هه‌رێم له‌ عراق.

 

به‌هائه‌دين ك سه‌ردان توركيا كرد له‌ى دوياخره‌ له‌ كۆنگره‌يگ رووژنامه‌گه‌رى له‌ هه‌ولێر وت: له‌ سه‌ردانه‌گه‌م ئه‌را توركيا چه‌وم كه‌فته‌ وه‌رپرسه‌يل جيوه‌جيگار له‌ توركياو گاميگ له‌وه‌ر هاتنه‌وه‌ى په‌يوه‌نديه‌يل ناونى هه‌ولێر و ئه‌نقه‌ره‌ نايم ئه‌را بان حاڵه‌ت سروشتى.

 

جى باسه‌، به‌هائه‌دين هه‌ميش وت: چاره‌سه‌ر ناكووكى و كيشه‌يل ناونى هه‌ولێر و به‌غدايش بايه‌سه‌ وه‌ گووره‌ى ده‌ستوور عراقى ئه‌نجام بگرێد و په‌يوه‌نديه‌يليش وه‌رده‌وام بدێ وه‌ل ده‌وڵه‌ته‌يل هاوساى هه‌رێم كوردستان وه‌گووره‌ى په‌يڕه‌و هاوسايه‌تى و حورمه‌تگرتن سه‌روه‌رى.