هــــه‌واڵ عــیراق
نوجێفى له‌باره‌ێ قه‌يران تازه‌ له‌ عراق وشدارێ دا

نوجێفى له‌باره‌ێ قه‌يران تازه‌ له‌ عراق وشدارێ دا


شه‌فه‌ق نيوز/ ئوسامه‌ نوجێفى جيگر سه‌رۆك كۆمار عراق، وشدارى دا له‌باره‌ى قه‌يرانيگ ك روێ بيه‌ێد له‌ عراق و هه‌ر وه‌و خاتريشه‌ داوا له‌ لايه‌نه‌يل و فراكسيۆنه‌يل سياسى كرد ئارام بوون و گفتگوو بكه‌ن و مقه‌يه‌تى وڵات له‌ ئاژاوه‌ بكه‌ن.

 

نويسينگه‌ێ نوجێفى له‌ به‌ياننامه‌يگ وت: ئاكامه‌يل خراو له‌باره‌ى داوه‌زين ريژه‌ى ده‌نگداين له‌ هه‌ڵوژاردنه‌يل په‌رله‌مانى 12ى ئايار ئمساڵ 2018 له‌كه‌س ناشاريه‌ێده‌و، ئه‌و داوه‌زينيشه‌ له‌ لايه‌نگرى مه‌ردمێ هه‌وڵ دامه‌زرانن حكومه‌ت ئاينده‌ ئه‌ياد له‌وه‌رانوه‌ر ريژه‌ى گه‌وراتر له‌ مه‌ردم ك لايه‌نگرى هيزه‌يل ئۆپۆزسيۆن ئه‌كه‌ن، يه‌يش بيجگه‌ باوه‌ڕنه‌كردنن فريه‌يگ له‌ ئئتلافه‌يل سياسى وه‌ ئاكامه‌يل هه‌ڵوژاردن، ك يه‌يش عراق وه‌ره‌و قه‌يران تازه‌يگ پاڵ نه‌ێد.

 

جى باسه‌، نوجێفى داوايش له‌ سه‌ركرده‌و ئه‌ندامه‌يل فراكسيۆنه‌يل سياسى كرد ئارامى بپاريزن و گفتگوو بكه‌ن ئه‌را چاره‌سه‌ر قه‌يران ئيسه‌و مقه‌يه‌تيكردن بار عراق له‌ ئاژاوه‌و ناكووكى له‌وه‌رچه‌و بگرن تا ڕێ وه‌ ئه‌جنداێ بيگانه‌ نه‌دريه‌ێد راسه‌وخۆ رۆڵ داشتوون له‌ شيوانن سه‌قامگيرى عراق و ئارامى ملله‌ت و كۆمه‌ڵگاگه‌ێ.