هــــه‌واڵ جیــهانى
نه‌تانياهۆ هه‌ڵوێست خوه‌ى له‌باره‌ێ جۆلان ئاشكرا كرد

نه‌تانياهۆ هه‌ڵوێست خوه‌ى له‌باره‌ێ جۆلان ئاشكرا كرد


شه‌فه‌ق نيوز/ بنيامين نه‌تانياهۆ سه‌رۆك وه‌زيره‌يل ئسرائيل، جه‌خت له‌وه‌ كرد جۆلان هه‌تاهه‌تاس جوور به‌شيگ له‌ ئسرائيل مينێد.

 

نه‌تانياهۆ له‌بام ماڵپه‌ڕ توێته‌ر له‌ لاپه‌ڕه‌ێ تايبه‌ت خوه‌ێ ئه‌وه‌ ده‌رخست ك گه‌شتيگ له‌ جۆلان ئه‌نجام داگه‌ وه‌ ياوه‌رى سيناتۆر گراهام و باڵيۆز ئه‌مريكى و وت: جۆلان هه‌ميشه‌ به‌شيگه‌ له‌ ئسرائيل هه‌ر له‌ يه‌كه‌م رووژه‌يل مێژوومان له‌ ساڵ 1967 و بايه‌سه‌ هه‌تاهه‌تاس وه‌ به‌شيگ له‌ ئسرائيل بمينێد.

 

جى باسه‌، سه‌رۆك وه‌زيره‌يل ئسرائيل هه‌ميش وت: گرنگ ئه‌وه‌سه‌ كۆمه‌ڵگاى ناوده‌وڵه‌تى دگان وه‌و راسيه‌ بنه‌ێد وه‌تايبه‌ت ئه‌مريكا.