هــــه‌واڵ عــیراق
"ئه‌نته‌رپول" داواكرياگيگ يۆنانى له‌ باشوور عراق ده‌سگير كرد

"ئه‌نته‌رپول" داواكرياگيگ يۆنانى له‌ باشوور عراق ده‌سگير كرد


شه‌فه‌ق نيوز/ ده‌سه‌ى ده‌روازه‌يل مه‌رزێ، ئاشكراى ئه‌وه‌ كرد ك ده‌روازه‌ى ته‌ياره‌خانه‌ى به‌سره‌ گه‌شتكه‌ريگ يۆنانى ده‌سگير كردگه‌.

 

ده‌سه‌ى ده‌روازه‌يل مه‌رزێ له‌ به‌ياننامه‌يگ ك شه‌فه‌ق نيوز ئاگادارى بوى، وت: نويسينگه‌ى پۆليس عه‌ره‌بى و ناوده‌وڵه‌تى "ئه‌نته‌رپول" كابرايگ ده‌سگير كردنه‌ پاسه‌پۆرت يۆنانى ساخته‌ وه‌پى بويه‌ ك لاپه‌ڕه‌ سه‌ره‌كيه‌گه‌ى وه‌ ته‌مامى ئاڵشت كردگه‌ وه‌ زانياريه‌يل تازه‌.

 

به‌ياننامه‌گه‌ هه‌ميش وت: ئه‌و ده‌سگيركرياگه‌ ره‌وانه‌ى ناوه‌نده‌يل پۆليس ته‌ياره‌خانه‌ى به‌سره‌ كرياگه‌ وه‌خاتر له‌وه‌رگرتن ڕێ وشوونه‌يل ياسايى ده‌رهه‌قى.