هــــه‌واڵ جیــهانى
كۆپته‌ريگ ئيرانى كه‌فته‌ خوار و يه‌كيگ له‌تى گيان له‌ده‌سدا و 8 كه‌سيش زه‌خمدار بوين

كۆپته‌ريگ ئيرانى كه‌فته‌ خوار و يه‌كيگ له‌تى گيان له‌ده‌سدا و 8 كه‌سيش زه‌خمدار بوين


شه‌فه‌ق نيوز/ سه‌رچه‌وه‌يل ره‌سانن له‌ ئيران ئاشكراى كه‌فتنه‌ خواره‌وه‌ى كۆپته‌ريگ سه‌ربازى سه‌ر وه‌ پاسه‌وان شۆڕش كردن له‌ باكوور خوه‌رئاواى وڵاته‌گه‌ ك كه‌سيگ له‌تى گيان له‌ده‌سداگه‌و هه‌يشت كه‌سيش زه‌خمدار بوينه‌.

 

لاى خوه‌يه‌و باره‌گاى "حمزة سيد الشهداء" له‌ پاسه‌وان شۆڕش، جه‌خت له‌ كه‌فتنه‌ خواره‌وه‌ى كۆپته‌ريگ كرد له‌ ناوچه‌ى داڵامبه‌ر سه‌ر وه‌ شار ئروميه‌ له‌ پاريزگاى ئازه‌ربايجان خوه‌رئاوا له‌ باكوور خوه‌رئاواى وڵاته‌گه‌.

 

هووكاره‌يل ره‌سانن ئيرانييش له‌ زووان شايتحاڵه‌يل باس له‌وه‌ كرد دو كۆپته‌ر تر و هه‌يشت سه‌ياره‌ى ئه‌مپوڵانس كه‌فتنه‌سه‌ رێ وه‌ره‌و ئه‌و ناوچه‌ ك كۆپته‌ره‌گه‌ له‌تى كه‌فته‌سه‌ خوار، له‌ هه‌مان وه‌خت ئاژانس فرانس پرێس له‌ زووان سه‌رچه‌وه‌يگ ئاگادار وت: كيشه‌يگ ته‌كنيكى بويه‌سه‌ هووكار كه‌فتنه‌ خواره‌وه‌ى ئه‌و كۆپته‌ره‌.