هــــه‌واڵ عــیراق
كه‌مه‌وكردن شماره‌ى جێگره‌يل سه‌رۆك ئه‌دێده‌‌ باسيگ تر له‌ په‌رله‌مان

كه‌مه‌وكردن شماره‌ى جێگره‌يل سه‌رۆك ئه‌دێده‌‌ باسيگ تر له‌ په‌رله‌مان


شه‌فه‌ق نيوز/ فراكسيۆنه‌يل په‌رله‌مانى له‌ عراق روێ له‌ تاووتوێكردن ياساى جێگره‌يل سه‌رۆك كۆمار ئه‌كه‌ن له‌وه‌ر كه‌مه‌وكردن شماره‌يان ئه‌را يه‌ك جيگر وه‌ته‌نيا.

 

عه‌باس علێوى ئه‌ندام كوتله‌ى خاسسازى له‌ په‌رله‌مان ئه‌را رووژنامه‌ى حه‌يات وت: هه‌ڵمه‌ت په‌رله‌مانى وه‌رده‌وامه‌ له‌ زوورم فراكسيۆنه‌يله‌و له‌وه‌ر راسه‌وكردن بڕگه‌ى تايبه‌ت له‌ ياساى سه‌رۆكايه‌تى كۆمار ك تايبه‌ته‌ وه‌ شماره‌ى جێگره‌يل سه‌رۆك و كه‌مه‌وكردنيان له‌ سێ جێگر ئه‌را يه‌ك جێگر.

 

جى باسه‌، يه‌يش له‌ وه‌ختيگه‌ رامى سكێنى ئه‌ندام له‌ كوتله‌ى سائرون، قه‌بولكردن بڕيگ له‌ لايه‌نه‌يل ئه‌را راسه‌وكردن ئى ياسا دويره‌و خست و وت: زه‌حمه‌ته‌ له‌ حاڵ حازر شماره‌ى جێگره‌يل سه‌رۆك كۆمار كه‌مه‌و بكريه‌ێد ئه‌را يه‌ك جێگر و جه‌خت له‌وه‌يش كرد ك ياداشت په‌رله‌مانى تويش ره‌ته‌وكردن گه‌ورايگ ئه‌دێ له‌لايه‌ن بڕيگ له‌ فراكسيۆنه‌يله‌و، وه‌لێ په‌رله‌مان خوازيار راسه‌وكردن ئه‌و ياساسه‌.