هــــه‌واڵ كــوردى
سه‌رۆك وه‌رين په‌رله‌مان كوردستان ناكووكيه‌يل ئيسه‌ له‌ جاران فيشتر تاريف كرد

سه‌رۆك وه‌رين په‌رله‌مان كوردستان ناكووكيه‌يل ئيسه‌ له‌ جاران فيشتر تاريف كرد


شه‌فه‌ق نيوز/ له‌ سيمينار "رۆڵ و كاريگه‌رى كورد و هه‌رێم كوردستان له‌ ئاڵشتكاريه‌يل دبلۆماسى له‌ خوه‌رهه‌ڵات ناوين و جه‌هان" ك له‌لايه‌ن په‌يمانگاى "ناوين ئه‌را په‌يوه‌نديه‌يل ناوده‌وڵه‌تى" ساز كريا وه‌ هاوكارى وه‌ل يه‌كێتى په‌رله‌مانتاره‌يل كوردستان، ميواندارى عه‌دنان موفتى سه‌رۆك وه‌رين په‌رله‌مان كوردستان و سه‌كرده‌ له‌ يه‌كێتى نيشتمانى كوردستان كريا.

 

موفتى له‌ موحازره‌گه‌ى وت: ئه‌و قوربانيه‌يله‌ ك ملله‌ت كوردستان داسه‌ى وه‌خاتر خاك  و نيشتمان نه‌بايه‌د وه‌ هويچ په‌تى بچێد و باس له‌وه‌يش كرد ك زوورم روێداگه‌يل و ئالشتكاريه‌يليش هانه‌ به‌رژه‌وه‌ندى كورد وه‌تايبه‌ت وه‌خاتر دامه‌زرانن ده‌وڵه‌ت كوردى.

 

جى باسه‌، موفتى هه‌ميش وت: بيجگه‌ كوشتار و جه‌نگ ناوخوه‌يى كورد جوور ئيسه‌ ناكووكى له‌ناونيان نه‌ويه‌و بايه‌سه‌ له‌بان كورد ده‌س بكاده‌ سه‌قامگيرى ياسايى و كاراكردن په‌رله‌مان و دابينكردن قووت مه‌ردم.