هــــه‌واڵ عــیراق
سێ ده‌وڵه‌ت ئۆرپى خه‌وه‌ره‌يگ خاس ئه‌يه‌نه عه‌بدولمه‌هدى

سێ ده‌وڵه‌ت ئۆرپى خه‌وه‌ره‌يگ خاس ئه‌يه‌نه عه‌بدولمه‌هدى


شه‌فه‌ق نيوز/ باڵيۆزه‌يل سێ وڵات ئۆرپى ئاگادار عادل عه‌بدولمه‌هدى سه‌رۆك وه‌زيره‌يل كردن ك وڵاته‌يليان پابه‌ندن وه‌ ريككه‌فتن ئه‌تۆمى ئيرانى و مقه‌يه‌تيكردن عراق له‌ كاريگه‌ريه‌يل سزايه‌يل ئابوورێ ئه‌مريكى له‌بان ته‌هران.

 

نويسينگه‌ى سه‌رۆك وه‌زيره‌يل له‌ به‌ياننامه‌يگ وت: باڵيۆزه‌يل بريتانيا و فره‌نسا و ئه‌ڵمانيا له‌ به‌غدا له‌وه‌خت ديداريان وه‌ل عه‌بدولمه‌هدى جه‌خت له‌وه‌ كردنه‌ ك وڵاته‌يليان پابه‌ندن وه‌ ريككه‌فتنه‌ ئه‌تۆميه‌گه‌ێ ئيران و پشتگيريكردن عراق له‌ هه‌ڵويستى و مقه‌يه‌تيكردنى له‌ كاريگه‌ريه‌يل سزايه‌يل.

 

جى باسه‌، به‌ياننامه‌گه‌ هه‌ميش وت: باڵيۆزه‌يل هه‌ميش جه‌خت له‌بان ئه‌وه‌يش كردنه‌ ك هه‌رسێ ده‌وڵه‌ته‌يليان مه‌يل كار هاوبه‌ش ديرن وه‌ل عراق و جه‌ختيش له‌بان نزيكه‌وكردن ئه‌و ريڕه‌وه‌ كردنه‌ ك حكومه‌ت عراقى دايناگه‌ وه‌ل كاره‌يل بنه‌ڕه‌تى ئه‌و ده‌وڵه‌ته‌يله‌و له‌وانه‌يش هه‌ڵويسته‌يل عراق له‌ڕوێ هه‌رێمى و ناوده‌وڵه‌تى هاوسه‌نگ و هه‌وڵده‌ر ئه‌را بنياتناين په‌يوه‌نديه‌يليگ خاس وه‌ل گشت لايه‌نه‌يليگ.