هــــه‌واڵ جیــهانى
بوتين له‌ زووان شارۆن"متمانه‌ وه‌كه‌س له‌ خوه‌رهه‌ڵات ناوين نه‌ياشتوو".. يه‌يش باوه‌ڕمه‌

بوتين له‌ زووان شارۆن"متمانه‌ وه‌كه‌س له‌ خوه‌رهه‌ڵات ناوين نه‌ياشتوو".. يه‌يش باوه‌ڕمه‌


شه‌فه‌ق نيوز/ فلاديمير بۆتين سه‌رۆك رووسى ئاشكراى ئه‌وه‌ كرد ئه‌رێل شارۆن سه‌رۆك وه‌رين وه‌زيره‌يل ئسرائيلى له‌ وه‌خت سه‌ردانى ئه‌را ئسرائيل وته‌سه‌پێ"نه‌بايه‌د متمانه‌ وه‌هويچ كه‌سيگ له‌ خوه‌رهه‌ڵات ناوين بياشتووێد‌".

 

بۆتين له‌ گفتگوويگ به‌ڵگه‌يى وت: شارۆن له‌ باره‌ێ بارودوخ خوه‌رهه‌ڵات ناوين و گرفت و كيشه‌يليگ ك هاته‌سه‌ تويش ناوچه‌گه‌، وتگه‌: هويچ وه‌ختيگ نه‌بايه‌د متمانه‌ وه‌ هويچ و كه‌س و چشتيگ له‌ خوه‌رهه‌ڵات ناوين داشتووێد.

 

جى باسه‌، بۆتين هه‌ميش وت: شايه‌ت شارۆن له‌و وه‌خته‌يله‌ وه‌ وه‌خته‌يل مه‌ويسييگ گوزه‌ر كردوێد جياتر له‌ ئيسه‌و له‌يوا له‌لى كردگه‌ متمانه‌ وه‌ ته‌مامى نه‌ياشتوود، وه‌لێ من باوه‌ڕم ئه‌وه‌سه‌ چ زوێ يا دير ئارامى له‌ى ناوچه‌ ئه‌كه‌فێده‌و و ناوچه‌گه‌ تواناێ ژيان ديرێد ك هه‌رچه‌نى ئمڕوو چاره‌سه‌ر كيشه‌يليش سه‌خت بدێ.