هــــه‌واڵ كــوردى
كوردستان ئامار په‌نابه‌ره‌يل له‌ چوار ده‌وڵه‌ت له‌ناو خاكه‌يلى ده‌رخست

كوردستان ئامار په‌نابه‌ره‌يل له‌ چوار ده‌وڵه‌ت له‌ناو خاكه‌يلى ده‌رخست


شه‌فه‌ق نيوز/ فه‌لاح مسته‌فا وه‌رپرس په‌يوه‌نديه‌يل خارجى له‌ حكومه‌ت هه‌رێم كوردستان، جه‌خت له‌وه‌ كرد ك هه‌زاران په‌نابه‌ر له‌ چوار ده‌وڵه‌ته‌و له‌ ناوچه‌گه‌ له‌ناو خاكه‌يل هه‌رێم كوردستان وجوود ديرن.

 

مسته‌فا له‌ وته‌يگى له‌ وه‌خت ده‌سوه‌پيكردن ورشه‌يگ كار ناوده‌وڵه‌تى ئه‌را ئاواره‌و په‌نابه‌ره‌يل له‌ هه‌رێم كوردستان وت: حكومه‌ت هه‌رێم سه‌ركه‌فتگ بويه‌ له‌ له‌خوه‌يگرتن ئاواره‌يل و په‌نابه‌ره‌يل له‌ناوخود و له‌ده‌يشت عراق وه‌ پشتگيرى له‌ مه‌ردم هه‌رێم.

 

مسته‌فا وت: هيمان تائيسه‌ زياتر له‌ 900 هه‌زار په‌نابه‌ر سوورى و زياتر له‌ 20 هه‌زار په‌نابه‌ر توركى و زياتر له‌ 300 هه‌زار په‌نابه‌ر ئيرانى و نزيكه‌ى 700 هه‌زار په‌نابه‌ر فه‌له‌ستينى له‌ هه‌رێم كوردستان وجوود ديرن.

 

جى باسه‌، وه‌رپرس په‌يوه‌نديه‌يل خارجى له‌ حكومه‌ت هه‌رێم كوردستان هه‌ميش وت: روێداين كيشه‌و ده‌ركه‌فتن تيرۆر له‌ عراق و سورياو يه‌مه‌ن و لوبنان هووكار بوينه‌ ئه‌را به‌رزه‌وبوين ريژه‌ى په‌نابه‌ره‌يل له‌ جه‌هان.