هــــه‌واڵ عــیراق
ئه‌و ئه‌فسه‌ره‌ ئاڵاى عراق له‌ كه‌ركوك به‌رزه‌و كرد كوشيا

ئه‌و ئه‌فسه‌ره‌ ئاڵاى عراق له‌ كه‌ركوك به‌رزه‌و كرد كوشيا


شه‌فه‌ق نيوز/ چه‌كداره‌يليگ نه‌ناسرياێ، ئه‌فسه‌ريگ له‌ هيزه‌يل ده‌زگاى دژه‌ ترۆر له‌ به‌غداى پايته‌خت كوشتن.

 

چه‌كداره‌يليگ نه‌ناسرياێ وه‌ ماتۆڕيگه‌و ته‌قه‌ له‌ نه‌قيب ئه‌حمه‌د ئه‌لجه‌راح كردن له‌ وه‌رده‌م ماڵه‌گه‌ى خوه‌ى له‌ حه‌يولحوڕيه‌ له‌ به‌غدا و فريه‌ وه‌ سه‌ختى زه‌خمدارى كردن و له‌ئاكام ئه‌و زه‌خمدارييه‌ يه‌كسه‌ر جيواز كريا ئه‌را نه‌خوه‌شخانه‌ى كازميه‌، وه‌لێ له‌وه‌ر سه‌ختى زه‌خمه‌گه‌ى گيان له‌ده‌سدا.

 

جى باسه‌، ئه‌لجه‌راح ئه‌و ئه‌فسه‌ره‌ بوى ك ئاڵاى عراق له‌بان باڵه‌خانه‌ێ پاريزگاى كه‌ركوك به‌رزه‌و كرد دوياى بڵاوبوينه‌وه‌ى هيزه‌يل چه‌كدار له‌و پاريزگا.