هــــه‌واڵ كــوردى
مانويل فالس: رى وه‌ راوناين كورد نايه‌يم له‌ عراق

مانويل فالس: رى وه‌ راوناين كورد نايه‌يم له‌ عراق


شه‌فه‌ق نيوز/ مانويل فالس سه‌رۆك وه‌رين وه‌زيره‌يل فره‌نسى، وجوود ئيرانى له‌ عراق له‌بان هساو كورد ك هاوپه‌يمان وه‌هيز فره‌نساس تاريف كرد و وت: بيده‌نگى له‌ى مه‌سه‌له‌ تاوانه‌.

 

فالس له‌ ديمانه‌يگ ك(شه‌فه‌ق نيوز)ئاگادارى بوى، وت: ناتويه‌نيم ڕى وه‌ راوناين كورد بيه‌يم، ئه‌تويه‌نن متمانه‌ بكه‌ن وه‌ قه‌وڵه‌يلمان و من ئه‌زانم ك په‌لاماره‌يل فريه‌ى خه‌ته‌رناكيگ هه‌ن ئه‌يه‌نه‌ تويش كورد، وه‌لێ بايه‌سه‌ ئه‌وه‌ بزانريه‌ێد ك ڕى وه‌ شكيان كورد نايه‌يم وه‌گشتى.

 

جى باسه‌، فالس هه‌ميش وت: په‌يام كورد په‌يام فره‌نسيه‌يله‌ و هه‌ر وه‌و خاتريشه‌ بايه‌سه‌ ئۆرپا پشتگيرى كورد بكا وه‌گشت شيوازيگ، چوينكه‌ په‌لامارداين كوردستان ماناى په‌لامارداين ئۆرپاسه‌و ئه‌گه‌ر پێشمه‌رگه‌يش نه‌وياتاد هويچ كه‌سيگ له‌بان داعش سه‌رنه‌كه‌فت.