هــــه‌واڵ عــیراق
به‌غدا 100 هه‌زار مووڵه‌ت چه‌ك داگه‌و داواى بنبڕكردن جبه‌خانه‌يل ئه‌كا

به‌غدا 100 هه‌زار مووڵه‌ت چه‌ك داگه‌و داواى بنبڕكردن جبه‌خانه‌يل ئه‌كا


شه‌فه‌ق نيوز/ ئه‌نجومه‌ن پاريزگاى به‌غدا، داوا له‌ سه‌رۆكايه‌تى وه‌زيره‌يل كرد كووتايى وه‌ ديارده‌ى جبه‌خانه‌يل هه‌ڕه‌مه‌كى ئه‌را چه‌ك و ته‌قه‌مه‌نى بارێد له‌ به‌غداى پايته‌خت و له‌ هه‌مان وه‌خت وه‌رپرسيارێتى ئه‌و ته‌قينه‌وه‌ ك روێدا له‌ شار سه‌در خسته‌ بان حه‌يده‌ر عه‌بادى وه‌ سفه‌ت ئه‌وه‌گ سه‌ركرده‌ى گشتى هيزه‌يل چه‌كداره‌.

 

محه‌مه‌د روبه‌يعى سه‌رۆك ليژنه‌ى ئه‌منى له‌ ئه‌نجومه‌نه‌گه‌ ئه‌را شه‌فه‌ق نيوز وت: ئه‌وه‌گ روێدا له‌ شار سه‌در ئه‌چێده‌ خانه‌ى كرده‌وه‌يل تيرۆريستى و بايه‌سه‌ ئه‌و كه‌سه‌يله‌ ك وه‌رپرس بوينه‌ له‌بان ئه‌و كرده‌ په‌يا بكريه‌ن و بدريه‌نه‌ دادگا.

 

روبه‌يعى هه‌ميش وت: مووڵه‌ت ئه‌را هه‌ڵگرتن چه‌ك ك له‌ وزاره‌ت ناوخوه‌ييه‌و پيشكه‌ش كرياگه‌ ره‌سيه‌سه‌ 100 هه‌زار مووڵه‌ت ك ته‌نيا ئه‌را ده‌مانچه‌س نه‌ك ئه‌را خه‌زنكردن بۆمب و ته‌قه‌مه‌نيه‌يل قورس و تانگ له‌ به‌غدا.