هــــه‌واڵ عــیراق
په‌رله‌مان ليست باڵيۆزه‌يل حكومه‌ته‌گه‌ى عه‌بادى هه‌ڵوه‌شانه‌و

په‌رله‌مان ليست باڵيۆزه‌يل حكومه‌ته‌گه‌ى عه‌بادى هه‌ڵوه‌شانه‌و


شه‌فه‌ق نيوز/ ليژنه‌ى په‌يوه‌نديه‌يل خارجى له‌ په‌رله‌مان عراق, ئاشكراى هه‌ڵوه‌شاننه‌وه‌ى ليستيگ وه‌ناو باڵيۆزه‌يل ئه‌را به‌غدا ك له‌لايه‌نن حكومه‌ت وه‌رينه‌و دانرياوێد

 

له‌و باوه‌ته‌و, عامر ئه‌لفايز ئه‌ندام ليژنه‌گه‌ له‌ لێدوانيگ ئه‌را بريگ له‌ هووكاره‌يل ره‌سانن و له‌ناونيانيش شه‌فه‌ق نيوز وت: ليژنه‌گه‌ ميواندارى محه‌مه‌د عه‌لى حه‌كيم وه‌زير خارجيه‌ كردگه‌ له‌باره‌ى مه‌سه‌له‌ى ليست باڵيۆزه‌يل تازه‌ و ئه‌و رێ وشوونه‌يله‌ ك له‌وه‌ر گيريانه‌ له‌لايه‌ن وه‌زاره‌ته‌گه‌ ئه‌را هه‌ڵوژانن باڵيۆزه‌يل و ئاماژه‌ وه‌يه‌يش كرد ليست 28 باڵێۆز جى مشتومڕه‌ له‌ حكومه‌ت وه‌رين عه‌بادى و ده‌سه‌ى سه‌رۆكايه‌تى په‌رله‌مان ئيسه‌يش بڕيار كلكه‌وكردنيان داگه‌ چوينكه‌ ئه‌و ليسته‌ ده‌نگ له‌بانى نه‌درياگه‌ نه‌ له‌لايه‌ن ليژنه‌ى په‌يوه‌نديه‌يل و كاروبار خارجى نه‌يش له‌لايه‌ن ئه‌نجومه‌ن نوێنه‌ره‌يله‌و.

 

ئه‌لفه‌ياز هه‌ميش وت: به‌رنامه‌ى حكومه‌ت تازه‌ وه‌ سه‌رۆكايه‌تى عادل عه‌بدولمه‌هدى و پێوه‌ره‌يلى جياوازه‌ له‌ سياسه‌ت حكومه‌ت وه‌رين و به‌رنامه‌يلى و ته‌نانه‌ت رێ وشوون هه‌ڵوژانن و كانديدكردن باڵيۆزه‌يليش جياوازه‌و وه‌زاره‌ته‌يليش رێ وشوون و پێوه‌ر ديرن ئه‌را كانديكردن باڵيۆزه‌يل و دوياخريش ليست 28 باڵيۆز كله‌و كرياگه‌ ئه‌را وه‌زاره‌ت خارجيه‌.