هــــه‌واڵ كــوردى
گه‌رميان ساڵێاد ئه‌نفال و پشگيرى سه‌روه‌خوه‌يى و ئاڵاى كوردستان كرد

گه‌رميان ساڵێاد ئه‌نفال و پشگيرى سه‌روه‌خوه‌يى و ئاڵاى كوردستان كرد


شه‌فه‌ق نيوز/ سه‌دان كه‌س له‌ خه‌ڵك گشت شار و ناوچه‌يل هه‌رێم كوردستان له‌ قه‌زاى كه‌لار سه‌ر وه‌ گه‌رميان ساڵێاد ئه‌و تاوانه‌يل ئه‌نفاله‌ كردن ك له‌لايه‌ن رژيم وه‌رين ئه‌نجام درياو ده‌يان هه‌زار كورد له‌تى كوشيان وه‌ل ويرانكردن هه‌زاران ئاوايى.

 

له‌و ساڵياده‌ نوێنه‌ره‌يل گشت حزبه‌يل كوردستانى و ئه‌ندامه‌يليگ كورد له‌ ئه‌نجومه‌ن نوێنه‌ره‌يل عراقى و باقى فراكسيۆنه‌يل تر نوێنه‌رايه‌تى ئاماده‌ بوين و كه‌س وكار قوربانيه‌يليش له‌تى داواكار بوين ئنساف بكريه‌ن دوياى 29 ساڵ له‌بان ئه‌و تاوانه‌و قه‌ره‌بوو ماددى و مه‌عنه‌وى بكريه‌ن و داوايش له‌ حزبه‌يل كوردستانى كردن يه‌كڕز بوون و كار ئه‌را لاوردن ناكووكيه‌يل ناونيان بكه‌ن.

 

جى باسه‌، كه‌س وكار قوربانيه‌يل هه‌ميش لايه‌نگرى ته‌ماميگ ئه‌را ئه‌نجامداين راپرسى و بڕيار چاره‌نيس له‌باره‌ى سه‌روه‌خوه‌يى هه‌رێم كوردستان و به‌رزه‌وكردن ئاڵاى كوردستانيش له‌ پاريزگاى كه‌ركوك نيشاندان.