هــــه‌واڵ عــیراق
كومسيۆن مافه‌يل ئاده‌ميزاد ئاشكراى ئامار كووچبه‌ره‌يل له‌ "راوه‌ و ئه‌لقائم" كرد

كومسيۆن مافه‌يل ئاده‌ميزاد ئاشكراى ئامار كووچبه‌ره‌يل له‌ "راوه‌ و ئه‌لقائم" كرد


شه‌فه‌ق نيوز/ كومسيۆن باڵاى مافه‌يل ئاده‌ميزاد ئاشكراى ئه‌وه‌ كرد ك نزيكه‌ى 2500 خيزان له‌ هه‌ردوگ قه‌زاى راوه‌ و ئه‌لقائم له‌ خوه‌رئاواى پاريزگاى ئه‌نباره‌و كووچ كردنه‌ وه‌ره‌و ناوچه‌يل تر له‌ئاكام كرده‌وه‌يل سه‌ربازى ئه‌را راوناين ريكخرياگ ترۆريستى داعش.

 

كومسيۆنه‌گه‌ له‌ به‌ياننامه‌يگ ئه‌وه‌ ده‌رخست ك ئاگاداره‌ له‌ كووچكردن مه‌ردم له‌ پاريزگاى ئه‌نبار وه‌ ريككفه‌تن وه‌ل ئازادكردن شاره‌يل خوه‌رئاواى پاريزگاگه‌ ك پيكهاتنه‌ له‌ راوه‌و ئه‌لقائم له‌ڕێ چه‌ديريكردن له‌لايه‌ن تيمه‌يل چه‌وديرى سه‌ر وه‌ نويسينگه‌ى كومسيۆنه‌گه‌ و يه‌يش ده‌رخست ك جه‌م گشتى خيزانه‌يل كووچبه‌ر ره‌سيه‌سه‌ 2350 خيزانه‌ له‌ جه‌م 11700 كه‌س له‌ مه‌ردم شاره‌يل راوه‌ و ئه‌لقائم.

 

جى باسه‌، به‌ياننامه‌گه‌ يه‌يش ده‌رخست ك ئه‌و خيزانه‌يله‌ دابه‌ش كريانه‌ له‌بان كه‌مپه‌يل عامريه‌ى فه‌لوجه‌ و خالديه‌ و حه‌بانيه‌ و داوايش له‌ حكومه‌ت عراقى و وزاره‌ته‌يل و ده‌زگايه‌يليش كرد شوون ئه‌مان ئه‌را كووچبه‌ره‌يل دابين بكريه‌ێد و گشت هه‌وه‌جه‌يگ ئنسانى و هڵه‌په‌ڵه‌يگ وه‌پيان بدريه‌ێد.