هــــه‌واڵ كــوردى
هه‌واڵ خوه‌شيگ ئه‌را كورده‌يل ده‌يشت له‌باره‌ێ راپرسێ

هه‌واڵ خوه‌شيگ ئه‌را كورده‌يل ده‌يشت له‌باره‌ێ راپرسێ


شه‌فه‌ق نيوز/ كومسيۆن باڵاێ هه‌ڵوژاردنه‌يل و راپرسێ له‌ هه‌رێم كوردستان، ئاشكراێ واده‌ێ تۆماركردن ده‌نگده‌ره‌يل كوردستانى كرد له‌ ده‌وڵه‌ته‌يل جياجيا له‌وه‌ر به‌شداريكردنيان له‌ راپرسێ ك بڕياره‌ له‌ 25 ئى مانگه‌ ئه‌نجام بگرێد.

 

كومسيۆنه‌گه‌ له‌ به‌ياننامه‌يگ ك(شه‌فه‌ق نيوز)ئاگادارێ بوى ئاگادار كوردستانيه‌يل ده‌يشت كرد ك پرووسه‌ێ تۆماركردن ناو ده‌نگده‌ره‌يل وه‌ شيوه‌ێ ئه‌لكترۆنى وه‌رده‌وام ئه‌دێ تا 22 ئى مانگه‌.

 

جى باسه‌، ئى به‌ياننامه‌يشه‌ له‌ وه‌ختيگه‌ ك كورده‌يل په‌نابه‌ر له‌ ئۆرپا و ئه‌مريكاو ده‌وڵه‌ته‌يل تر نگه‌رانى خوه‌يان ده‌رخستن له‌ باره‌ێ پشتبه‌سانن وه‌ كارت ته‌موينى وه‌ ته‌نيا له‌ مه‌سه‌له‌ێ تۆماركردن ناويان له‌ ده‌يشت له‌وه‌ر ئه‌وه‌گ زوورميان ئى كارته‌ نه‌يرن و هه‌ر وه‌و خاتريشه‌ سيستم ئه‌لكترۆنى له‌لايه‌ن كومپانيايگ تايبه‌تمه‌ند دانرياگه‌و كومسيۆنه‌گه‌يش هه‌وڵ چاره‌سه‌ر ئى كيشه‌ ئه‌ياد.