هــــه‌واڵ عــیراق
ئه‌مريكا په‌ياميگ ئاراسته‌ى ئسرائيل كرد دوياى هه‌ڕه‌شه‌كردنى له‌ عراق

ئه‌مريكا په‌ياميگ ئاراسته‌ى ئسرائيل كرد دوياى هه‌ڕه‌شه‌كردنى له‌ عراق


شه‌فه‌ق نيوز/ هووكاره‌يل ره‌سانن عبرى باس له‌وه‌ كردن ك وڵاته‌يل يه‌كگرتگ ئه‌مريكى په‌ياميگ ئاراسته‌ى ئسرائيل كردگه‌و داوا له‌لى كردگه‌ هويچ په‌لاماريگ دژ هيزه‌يل ئيرانى له‌ عراق ئه‌نجام نه‌يه‌ێد.

 

هووكاره‌يل ره‌سانن عبرى باس له‌وه‌يش كردن ئه‌و  په‌يامه‌ له‌ئاكام زانياريه‌يليگ ئاراسته‌ كرياگه‌ ك ره‌سيه‌ وه‌ڵاته‌يل يه‌كگرتگ له‌باره‌ى ئه‌گه‌ره‌يل په‌لامارداين هيزه‌يل ئيرانى له‌ناو خاكه‌يل عراقى له‌لايه‌ن ئسرائيله‌و.

 

له‌ى باوه‌تيشه‌و رووژنامه‌ى مه‌عريف وت: له‌ى رووژه‌يل دوياخره‌ واشنتۆن ئاگادار ته‌ل ئه‌بيب كردگه‌ ك هويچ په‌لاماريگ ئه‌نجام نه‌يه‌ێد دژ هيزه‌يل ئيرانى له‌ عراق و يه‌يش ده‌رخست ك داواكاريه‌گه‌ى ئه‌مريكا په‌يوه‌ندى وه‌ ئه‌وه‌ نه‌يرێد ك ئيران مووشه‌ك هاورده‌سه‌ ناو خاك عراق له‌ ماوه‌ى چه‌ن رووژه‌يليگ گوزه‌يشت .