هــــه‌واڵ كــوردى
پێشمه‌رگه‌ وه‌ سه‌رپه‌رشى سێ ده‌وڵه‌ت قوناغ يه‌كه‌م له‌ خاسسازيه‌يلێ جيوه‌جى ئه‌كا

پێشمه‌رگه‌ وه‌ سه‌رپه‌رشى سێ ده‌وڵه‌ت قوناغ يه‌كه‌م له‌ خاسسازيه‌يلێ جيوه‌جى ئه‌كا


شه‌فه‌ق نيوز/ وزاره‌ت پێشمه‌رگه‌ له‌ حكومه‌ت هه‌رێم كوردستان، ئاشكراى جيوه‌جيكردن گام يه‌كه‌م له‌ پرووژه‌ێ خاسسازيه‌يل وزاره‌ته‌گه‌ كرد ك جيوه‌جيكردن په‌نج خاڵ ئه‌گرێده‌ خوه‌ى له‌ جه‌م 35 خاڵ.

 

وزاره‌ت پێشمه‌رگه‌ له‌ به‌ياننامه‌يگ ئه‌را(شه‌فه‌ق نيوز)وت: وزاره‌ته‌گه‌ دانيشتنيگ وه‌ سه‌رپه‌رشى كه‌ريم سنجارى وه‌زير پێشمه‌رگه‌ وه‌ وكاله‌ت و وه‌ئاماده‌بوين گه‌ورا وه‌رپرسه‌يل له‌ وزاره‌ته‌گه‌و نوێنه‌ره‌يل هه‌ر يه‌ك له‌ ده‌وڵه‌ته‌يل ئه‌مريكاو بريتانياو ئه‌ڵمانيا ساز كردگه‌و ئى دانيشتنيشه‌ ئه‌را پرووسه‌ى خاسسازى و دوباره‌ ريكخستنه‌وه‌ى هيزه‌يل پێشمه‌رگه‌ ته‌رخان كرياگه‌.

 

جى باسه‌، به‌ياننامه‌گه‌ هه‌ميش وت: په‌نج خاڵ سه‌ره‌كى له‌ ئى پرووژه‌ى خاسسازى وزاره‌ت پێشمه‌رگه‌ ئه‌چێده‌ خانه‌ى جيوه‌جيكردن.