هــــه‌واڵ عــیراق
بانك رافده‌ين هه‌واڵيگ تايبه‌ت وه‌ خانه‌نشينه‌يل ديرێد

بانك رافده‌ين هه‌واڵيگ تايبه‌ت وه‌ خانه‌نشينه‌يل ديرێد


شه‌فه‌ق نيوز/ بانك رافده‌ين، ئاشكراى ته‌رخانكردن شماره‌ى بى وه‌رانوه‌ر و په‌تى كرد ئه‌را پرسيار و شيه‌وكارى له‌باره‌ێ داين سلفه‌ وه‌ خانه‌نشينه‌يل ك بڕ سێ مليۆن ديناره‌.

 

نويسينگه‌ى ره‌سانن بانكه‌گه‌ له‌ به‌ياننامه‌يگ ئه‌را شه‌فه‌ق نيوز وت: شماره‌يگ بى وه‌رانوه‌ر (422) ئه‌را پرسيار و شيه‌وكارى ته‌رخان كرياگه‌ له‌باره‌ى وه‌ركه‌فتن خانه‌نشينه‌يل مه‌ده‌نى و سه‌ربازى وه‌و سلفه‌ ك بڕ سێ مليۆن ديناره‌.

 

جى باسه‌، به‌ياننامه‌گه‌ ئاماژه‌ وه‌يه‌يش كرد ك ناوه‌ندى خزمه‌تگوزارى سه‌ردانيكه‌ره‌يل شه‌و و رووژ كار ئه‌كا و خانه‌نشينه‌يل ئه‌تويه‌نن په‌يوه‌ندى وه‌و شماره‌وه‌ بكه‌ن ئه‌را هه‌ر هه‌قيگ دارايى بيجگه‌ وه‌رگرتن زانيارى له‌باره‌ى مه‌سه‌له‌يل تر خانه‌نشينى.