ئابوورى
عراق داهات و هه‌نارده‌ى نه‌فت مانگ گوزه‌يشت ئاشكرا كرد

عراق داهات و هه‌نارده‌ى نه‌فت مانگ گوزه‌يشت ئاشكرا كرد


شه‌فه‌ق نيوز/ وه‌زاره‌ت نه‌فت عراق، جه‌م داهات و هه‌نارده‌ى نه‌فت له‌ مانگ كانون دويه‌م گوزه‌يشت ئاشكراى كرد، ئه‌ويش وه‌گووره‌ى ئاماره‌يل كۆمپانياى وه‌بازاڕخستن نه‌فت عراق(سۆمۆ)، ك هه‌نارده‌ى نه‌فت ره‌سيه‌ زياتر له‌ 113 مليۆن به‌رميل نه‌فت.

 

له‌و باوه‌ته‌و، عاسم جيهاد قسه‌كه‌ر وه‌زاره‌ت نه‌فت عراق ئه‌وه‌ ده‌رخست ك جه‌م هه‌نارده‌ى نه‌فت خام له‌ مانگ كانون دويه‌م گوزه‌يشت له‌ سه‌رچه‌وه‌يل نه‌فتى ناوڕاس و باشوور عراقه‌و ره‌سيه‌سه‌ 113 مليۆن و 245 هه‌زار و 281 به‌رميل نه‌فت، وه‌لێ له‌ سه‌رچه‌وه‌يل نه‌فت كه‌ركوكه‌و بڕ هه‌نارده‌ى ره‌سيه‌سه‌ 2 مليۆن و 315 هه‌زار و 381 به‌رميل و هه‌ناره‌ى نه‌فتيش له‌ سه‌رچه‌وه‌يل گه‌ياره‌ ره‌سيه‌سه‌ 550 هه‌زار و 775 به‌رميل نه‌فت.

 

ئاماژه‌ وه‌يه‌يش كردگه‌ جه‌م داهات هه‌نارده‌ى نه‌فت له‌ مانگ گوزه‌يشت ره‌سيه‌سه‌ 6 مليار و 352 مليۆن و 753 هه‌زار دۆلار، ك نرخ يه‌ك به‌رميل نه‌فتيش له‌و مانگه‌ پيكهاتگه‌ له‌ 56,164 دۆلار.