هــــه‌واڵ عــیراق
عراق و توركيا دو ده‌روازه‌ێ مه‌رزێ واز ئه‌كه‌ن

عراق و توركيا دو ده‌روازه‌ێ مه‌رزێ واز ئه‌كه‌ن


شه‌فه‌ق نيوز/ ده‌سه‌ى ده‌روازه‌يل مه‌رزێ، ئاشكراى ئه‌وه‌ كرد عراق و توركيا باس له‌ وازكردن دو ده‌ورازه‌ێ مه‌رزێ كردن ئه‌را بته‌وكردن هاوكارى ئابوورى و جموجويل بازرگانى له‌ناونى هه‌ردوگ وڵات.

 

ده‌سه‌ى ده‌روازه‌يل له‌ به‌ياننامه‌يگ ك شه‌فه‌ق نيوز ئاگادارێ بوێ ئه‌وه‌ ده‌رخست ك كازم عقابى سه‌رۆك ده‌سه‌گه‌ چه‌وێ كه‌فته‌سه‌ فاتح يه‌ڵدز باڵێۆز توركى له‌ به‌غداو هه‌ردوگلا باس له‌ كاراكردن ئاسوو هاوكارى و بته‌وكردن په‌يوه‌نديه‌يل هاوبه‌ش ناونى هه‌ردوگ وڵات كردنه‌.

 

به‌ياننامه‌گه‌ ئاماژه‌ وه‌يه‌يش كرد ك له‌و ديداره‌ باسيش له‌ وازكردن دو ده‌روازه‌ى مه‌رزێ له‌ ديم عراقه‌و له‌ فيشخابور و له‌ ديم توركى ده‌روازه‌ى ئافاكوى كرياگه‌ وه‌تايبه‌ت له‌ مانگ ئه‌يلول ئاينده‌ ك واده‌ى سه‌رداين ئه‌و هه‌ردوگ ده‌روازه‌سه‌ له‌لايه‌ن تيميگ ئه‌را شيه‌وكردن مه‌سه‌له‌گه‌و ئاماده‌كردنى له‌وه‌ر گرنگى ئه‌و ده‌روازه‌يله‌.