هــــه‌واڵ عــیراق
عراق سيستم پاكسازى وپاكه‌وكردن ئاوه‌يل دامه‌زران

عراق سيستم پاكسازى وپاكه‌وكردن ئاوه‌يل دامه‌زران


شه‌فه‌ق نيوز/ كومپانياى گشتى پيشه‌سازيه‌يل كاره‌بايى و ئه‌لكترۆنى ك يه‌كيگه‌ له‌ كومپانيايه‌يل وزاره‌ت پيشه‌سازى و كانزايه‌يل، ده‌سكرده‌ دامه‌زرانن سيستميگ پاكسازى وپاكه‌وكردن ئاوه‌يل ك وه‌ وزه‌ى خوه‌ر كار ئه‌كا له‌ يه‌كيگ له‌ خوه‌ندنگايه‌يل شار سه‌ماوه‌.

 

عه‌بدولواحد عه‌لوان ئه‌لشه‌مه‌رى وه‌ڕيه‌وبه‌ر ناوه‌ند ره‌سانن و په‌يوه‌نديه‌يل گشتى له‌ وزاره‌ت پيشه‌سازى له‌ به‌ياننامه‌يگ ئه‌را(شه‌فه‌ق نيوز)وت: كومپانياگه‌ سيستميگ ئه‌را پاكسازى و پاكه‌وكردن ئاوه‌يل دامه‌زرانگه‌ له‌ خوه‌ندنگايگ له‌ شار سه‌ماوه‌ ئه‌را چاره‌سه‌ر ئاوه‌يل ك وه‌ وزه‌ى خوه‌ر كار ئه‌كا.

 

جى باسه‌، ئه‌لشه‌مه‌رى هه‌ميش وت: سيستمه‌يل جياجيايگ هه‌ن ئه‌را ئى مه‌سه‌له‌و هه‌ڵوژانن ئى سيستميشه‌ له‌و شوونه‌ وه‌گووره‌ى ريژه‌ى شووره‌كات و پيكهاته‌يل كيمياوى ئه‌و ئاوه‌يله‌سه‌.