هــــه‌واڵ عــیراق
زێبارى ئاشكراى دووڕويى جبورى كرد

زێبارى ئاشكراى دووڕويى جبورى كرد


شه‌فه‌ق نيوز/ هۆشيار زێبارى وه‌زير دارايى وازهاوردگ، تومه‌تبار سه‌ليم جبورى سه‌رۆك ئه‌نجومه‌ن نوێنه‌ره‌يل عراقى وه‌ دووڕويى كرد وه‌ ئه‌وه‌گ بڕيار قه‌يه‌غه‌ێ سياسيه‌يل و په‌رله‌مانتاره‌يل سنى له‌ ئاماده‌بوين دانيشتنه‌يل ده‌يشت عراق ده‌ركردگه‌و خوه‌يشى وه‌رجه‌ ماوه‌يگ به‌شدارى دانيشتنيگ له‌ توركيا كرد.

 

زێبارى له‌ لاپه‌ڕه‌ى تايبه‌ت خوه‌ى له‌بان ماڵپه‌ڕ كۆمه‌ڵايه‌تى فه‌يسبوك ك(شه‌فه‌ق نيوز)ئاگادارى بوى، وت: هه‌ناى دووڕويى ره‌سيده‌ راده‌ێ خوه‌ى!! جبورى ئخوانچێ له‌ى دوياخره‌ بڕياريگ ده‌ركرد ك له‌تى قه‌يه‌غه‌ێ سياسيه‌يل و په‌رله‌مانتاره‌يل سنى كرد له‌ دانيشتنه‌يل ده‌يشت و ناوخود عراق له‌وه‌ر ئه‌وه‌گ هه‌ڕه‌شه‌ن له‌ ئاسايش نيشتمانى و رژيم سياسى، هه‌ر خوه‌يشى وه‌رجه‌ ماوه‌يگ به‌شدارى له‌ دانيشتن توركيا كرد ئه‌را سه‌ركرده‌يل سنى عراقى وه‌ سه‌رپه‌رشى په‌نج ده‌وڵه‌ت عه‌ره‌بى و توركيا.

 

جى باسه‌، زێبارى هه‌ميش وت: له‌و دانيشتن ئاسايشى و سياسيه‌، جبورى وه‌ سه‌رۆك ئه‌را ئه‌و مه‌جموعه‌ هه‌ڵوژريا.