هــــه‌واڵ كــوردى
وه‌زير بريتانى ئه‌را كاروبار خوه‌رهه‌ڵات ناوين ره‌سيه‌ كوردستان

وه‌زير بريتانى ئه‌را كاروبار خوه‌رهه‌ڵات ناوين ره‌سيه‌ كوردستان


شه‌فه‌ق نيوز/ حكومه‌ت هه‌رێم كوردستان ئاشكراى ره‌سين كۆلۆمونلس توبياس ئيلود وه‌زير ده‌وڵه‌ت بريتانى ئه‌را كاروبار خوه‌رهه‌ڵات ناوين و باكوور ئه‌فريقيا له‌ وزاره‌ت خارجيه‌ ئه‌را شار هه‌ولێر كرد.

 

حكومه‌ت هه‌رێم له‌ به‌ياننامه‌يگ وت: ئيلود وه‌ ياوه‌رى شانديگ و باڵوێز بريتانى له‌ عراق ره‌سيه‌ هه‌ولێر پايته‌خت هه‌رێم كوردستان و له‌لايه‌ن فه‌لاح مسته‌فا وه‌رپرس په‌يوه‌نديه‌يل خارجى له‌ حكومه‌ت هه‌رێم پيشوازى له‌لى كرياگه‌.

 

جى باسه‌، بڕياره‌ ئيلود له‌ى سه‌ردانه‌ ديدار و دانيشتنه‌يليگ وه‌ل گه‌ورا وه‌رپرسه‌يل له‌ حكومه‌ت هه‌رێم ئه‌نجام بيه‌ێد ئه‌را تاوتوێكردن دويا روێداگه‌يل ئنسانى و سياسى له‌ هه‌رێم كوردستان و عراق.