هــــه‌واڵ عــیراق
ته‌ياره‌يل هاوپه‌يمان له‌ نزيك مه‌رزه‌يل سوريا و عراق 12 كه‌س له‌ خيزانيگ كوشتن

 ته‌ياره‌يل هاوپه‌يمان له‌ نزيك مه‌رزه‌يل سوريا و عراق 12 كه‌س له‌ خيزانيگ كوشتن


شه‌فه‌ق نيوز/ ديمه‌شق ئاشكراێ ئه‌وه‌ كرد ته‌ياره‌يل هاوپه‌يمان ناوده‌وڵه‌تى وه‌ سه‌رۆكايه‌تى وڵاته‌يل يه‌كگرتگ 12 مه‌ده‌نى له‌ئاكام په‌لاماريگ ئاسمانى له‌ ناوچه‌ێ ته‌ل ئه‌لشاير له‌ نزيك مه‌رزه‌يل سوريا – عراق كوشتنه‌.

 

له‌ى باوه‌ته‌و، ئاژانس "سانا"ى سوورى له‌ زووان سه‌رچه‌وه‌يل ناوچه‌يى وت: ته‌ياره‌يل سه‌ر وه‌ هاوپه‌يمان ناوده‌وڵه‌تى چه‌ن په‌لاماريگ ئه‌را بان ناوچه‌يل ريف حه‌سه‌كه‌ له‌ باشوور خوه‌رهه‌ڵات ئه‌نجام دانه‌و 12 مه‌ده‌نى له‌ يه‌ك خيزان كوشتنه‌ له‌ ناوچه‌ێ ته‌ل ئه‌لشاير.

 

جى باسه‌، ئاژانسه‌گه‌ هه‌ميش وت: ئى روێداگه‌ دوياێ بوردمانه‌گه‌ێ رووژ 14 حزه‌يران هات ك له‌تى ده‌روازه‌يگ ئاوێ له‌ خوه‌رهه‌ڵات شار دير ئه‌لزور گريا ئامانج و بويه‌ هووكار كوشيان 3 مه‌ده‌نى تر.