هــــه‌واڵ عــیراق
دلێمى ئامانج سه‌ردانه‌گه‌ێ بن سه‌لمان ئه‌را عراق ئاشكرا كرد

دلێمى ئامانج سه‌ردانه‌گه‌ێ بن سه‌لمان ئه‌را عراق ئاشكرا كرد


شه‌فه‌ق نيوز/ ئه‌نداميگ له‌ په‌رله‌مان عراقى، باس له‌ ئامانج سه‌ردانه‌ چه‌وه‌ڕێ كريايه‌گه‌ێ مير محه‌مه‌د بن سه‌لمان ئه‌را عراق كرد.

 

له‌ى باوه‌ته‌و، سه‌عدون دلێمى وه‌زير وه‌رگرى وه‌رين و ئه‌ندام ئيسه‌ى په‌رله‌مان وت: بن سه‌لمان وه‌ فه‌رمى ئه‌را ماوه‌ى دو رووژ سه‌ردان به‌غدا ئه‌كا له‌وه‌ر ئمزاكردن ريككه‌فتنه‌يليگ وه‌ل حه‌يده‌ر عبادى سه‌رۆك وه‌زيره‌يل و سه‌ردانيكردن نه‌جه‌فيش ئه‌را ديدار وه‌ل سه‌ركرده‌يل ئايينى.

 

جى باسه، دلێمى هه‌ميش وت: سه‌ردانه‌گه‌ى بن سه‌لمان سه‌ه‌ردانيگ مێژووييه‌و مزگانييه‌ له‌ قوناغيگ تازه‌ له‌ ئاشتى ئه‌را ناوچه‌گه‌و ئه‌را گشت موسڵمانه‌يل له‌ ژيان هاوبه‌ش دوير له‌ ته‌كفير و كيشمه‌كيش تايفى.