هــــه‌واڵ عــیراق
هاوپه‌يمان ناوده‌وڵه‌تى ئاشكراى مه‌ندنه‌وه‌ى خوه‌ێ كرد له‌ عراق

هاوپه‌يمان ناوده‌وڵه‌تى ئاشكراى مه‌ندنه‌وه‌ى خوه‌ێ كرد له‌ عراق


شه‌فه‌ق نيوز/ هاوپه‌يمان ناوده‌وڵه‌تى دژ تيرۆر وه‌ سه‌رۆكايه‌تى واشنتۆن هيزه‌يلێ له‌ 2018 له‌ عراق كه‌مه‌و كرد، ئه‌ويش دوياى ئه‌وه‌گ ريكخرياگ داعش گشت خاكه‌يل ژير ده‌سڵاتى تاڕاده‌يگ له‌ده‌سدا له‌ى وڵاته‌.

 

هاوپه‌يمان ناوده‌وڵه‌تى له‌ به‌ياننامه‌يگ وت: وجوود وه‌رده‌وام هاوپه‌يمان له‌ عراق ئه‌مان ئه‌كريه‌ێد، وه‌لێ وه‌گووره‌ى هه‌وه‌جه‌يل و ريكخستن وه‌ل حكومه‌ت عراقى وه‌بى ده‌رخستن شماره‌يگ ئه‌را كه‌مه‌وكردن شماره‌ێ هيزه‌يلێ.

 

جى باسه‌، به‌ياننامه‌گه‌ هه‌ميش وت: دوياى سه‌ركه‌فتن له‌ ئازادكردن موسڵ له‌ژير ده‌سڵات تونڕه‌وه‌يل، هاوپه‌يمان ناوده‌وڵه‌تى ريڕه‌وێ له‌ عراق ئاڵشت ئه‌كا، ئه‌ويش وه‌ جيوازبوين له‌ پشتگيرى كرده‌وه‌يل جه‌نگى ئه‌را مقه‌يه‌تيكردن له‌ ده‌سكه‌فته‌يل سه‌ربازێ ك وه‌ده‌سهاتنه‌ دژ چه‌كداره‌يل تونڕه‌و.