هــــه‌واڵ كــوردى
بارزانى كيشه‌يل ناونى هه‌ولێر و به‌غدا ‌وه‌ شيواز تاريف كرد

بارزانى كيشه‌يل ناونى هه‌ولێر و به‌غدا ‌وه‌ شيواز تاريف كرد


شه‌فه‌ق نيوز/ نێچيروان بارزانى سه‌رۆك وه‌زيره‌يل هه‌رێم كوردستان، دانيشتنيگ وه‌ل تون ئالرس باڵوێز تازه‌ێ نه‌رويج له‌ عراق و ئوردن و شاند ياوه‌رێ ساز كرد.

 

حكومه‌ت هه‌رێم كوردستان له‌ به‌ياننامه‌يگ وت: ئالرس خوه‌شاڵێ خوه‌ى نيشانداگه‌ ئه‌را سه‌ردان كوردستان و پيشكه‌فتن هه‌رێم كوردستان به‌رز نرخانگه‌ وه‌ل ئه‌و هه‌مگه‌ حاڵه‌ته‌يل سه‌خته‌ ك هاته‌سه‌ تويشى و باسيش له‌ هه‌ڵويست حكومه‌ت هه‌رێم كردگه‌ ئه‌را له‌خوه‌يگرتن شماره‌ێ فريه‌ گه‌ورايگ كووچبه‌ره‌يل و په‌نابه‌ره‌يل و جه‌ختيش له‌ پشتگيرى وڵاته‌گه‌ى ئه‌را هه‌رێم كوردستان كردگه‌.

 

جى باسه‌، له‌لايه‌ن خوه‌ييشه‌و، بارزانى سوپاسگوزارى له‌ سه‌ردان ئالرس و ده‌سميه‌ته‌يل ئنسانى و سه‌ربازى نه‌رويجى ئه‌را هه‌رێم كوردستان كردگه‌و باس له‌وه‌يش كردگه‌ ك حكومه‌ت هه‌رێم لايه‌نگر گفتگوو جدديه‌ وه‌ل حكومه‌ت به‌غدا و ئوميد وه‌رده‌وامى ئه‌و گفتگووه‌ كردگه‌و ئاماژه‌يش وه‌ ئه‌وه‌ كردگه‌ گ كيشه‌يل ناونى هه‌ولێر و به‌غدا تويه‌نريه‌ێد وه‌ گوورج چاره‌سه‌ر بكريه‌ێد و كيشه‌يليگيش هه‌ن هه‌وه‌جه‌ وه‌ وه‌خت و گفتگوو فيشتر ديرن.