هــــه‌واڵ كــوردى
سه‌ركردايه‌تى پارتى له‌وه‌ر پۆست سه‌رۆك حكومه‌ت هه‌رێم دانيشتن ساز ئه‌كا

سه‌ركردايه‌تى پارتى له‌وه‌ر پۆست سه‌رۆك حكومه‌ت هه‌رێم دانيشتن ساز ئه‌كا


شه‌فه‌ق نيوز/ برياره‌ له‌ سه‌ره‌تاى هه‌فته‌ى ئاينده‌ سه‌ركردايه‌تى پارت ديموكرات كوردستان بڕيار خوه‌ێ بيه‌ێد له‌باره‌ى دياريكردن كانديده‌گه‌ێ ئه‌را پۆست سه‌رۆك حكومه‌ت هه‌رێم كوردستان له‌ دامه‌زارنن تازه‌ێ.

 

له‌ى باوه‌ته‌و، ئاراس حه‌سۆ ميرخان ئه‌ندام ئه‌نجومه‌ن پارت ديموكرات كوردستان، له‌ لێدوانيگ ئه‌را ماڵپه‌ڕ پارتى وت: دوياى په‌سه‌نكردن ئه‌نجامه‌يل كووتايى هه‌ڵوژاردنه‌يل په‌رله‌مان كوردستان له‌لايه‌ن ئه‌نجومه‌ن دادوه‌ريه‌و، بڕياره‌ له‌ سه‌ره‌تاى هه‌فته‌ى ئاينده‌ى دانيشتن ئه‌نجومه‌ن سه‌ركردايه‌تى پارته‌گه‌ ساز بكريه‌ێد.

 

ميرخان يه‌يش ده‌رخست ك له‌و دانيشتنه‌ شاند پارتى دامه‌زريه‌ێد وه‌ل باقى لايه‌نه‌يل تر سياسى ئه‌را دامه‌زرانن حكومه‌ت تازه‌و هه‌ر له‌و دانيشتنه‌ كانديد پارت ديموكرات كوردستان ئه‌را سه‌رۆكايه‌تى حكومه‌ت هه‌ڵوژريه‌ێد.