هــــه‌واڵ عــیراق
عه‌بدولمهدى خوازياره‌ سه‌رچه‌وه‌يل ته‌مويلكردن حه‌شد بوينێده‌و

عه‌بدولمهدى خوازياره‌ سه‌رچه‌وه‌يل ته‌مويلكردن حه‌شد بوينێده‌و


شه‌فه‌ق نيوز/ عادل عه‌بدولمهدى سه‌رۆك ئه‌نجومه‌ن وه‌زيره‌يل سه‌ركرده‌ى گشتى هيزه‌يل چه‌كدار، جه‌خت له‌وه‌ كرد، دامه‌زرانن حه‌شد شه‌عبى ده‌سكه‌فتيگ مێژووييه‌ ئه‌را عراق و بايه‌سه‌ مقه‌يه‌تى له‌لى بكريه‌ێد.

 

عه‌بدولمهدى له‌وه‌خت سه‌ردانى ئه‌را ده‌سه‌ى حه‌شد شه‌عبى و ديدارى وه‌ل سه‌كردايه‌تيه‌يل حه‌شد وت: حه‌شد حه‌قيقه‌تيگ گه‌وراش و نه‌بايه‌د ته‌جاوز بكريه‌ێد و هيزيگ فه‌رميه‌ سه‌ر وه‌ ياساو سه‌ر وه‌ فه‌رمان سه‌ركرده‌ى گشتى و ئه‌رك حكومه‌ت ئه‌وه‌سه‌ پشتگيرى و مقه‌يه‌تى له‌لى بكا.

 

سه‌رۆك وه‌زيره‌يل هه‌ميش وت: داوه‌زين له‌ بودجه‌ وجوود ديرێد و بودجه‌ى حه‌شد شه‌عبييش بايه‌سه‌ سه‌رچه‌وه‌يگ ته‌مويل ئه‌راى بوينيمنه‌و و وه‌گشت توانايگه‌و هه‌وڵ ئه‌وه‌ ئه‌يه‌يم حه‌شد گشت مافه‌يلێ وه‌ربگرێدو شه‌هيده‌يليانيش بايه‌سه‌ ته‌كريميگ بكريه‌ن شايسته‌ بدێ وه‌پيان.