هــــه‌واڵ عــیراق
ناكووكى ناونى مالكى و عه‌بادى يه‌كلاوه‌ كريا

ناكووكى ناونى مالكى و عه‌بادى يه‌كلاوه‌ كريا


شه‌فه‌ق نيوز/ محه‌مه‌د مه‌جيد ئه‌ندام ئئتلاف ده‌وڵه‌ت ياسا، باس له‌وه‌ كرد ك ناكووكيه‌يل ناونى ئئتلافه‌گه‌ى وه‌ سه‌رۆكايه‌تى نورى مالكى جيگر سه‌رۆك كۆمار و هاوپه‌يمانى نه‌سر وه‌ سه‌رۆكايه‌تى حه‌يده‌ر عه‌بادى سه‌رۆك ئه‌نجومه‌ن وه‌زيره‌يل يه‌كلاوه‌ كريا.

 

له‌ى باوه‌ته‌و، رووژنامه‌ى ئه‌لوه‌ته‌ن سعودى له‌ شماره‌ى ئمڕووى له‌ زووان مه‌جيد وت: ناكووكيه‌يل ناونى باڵ مالكى و عه‌بادى يه‌كلاوه‌ بويه‌و ئه‌و كه‌لين ناونيانه‌ پڕه‌و كرياگه‌ دوياى ئه‌وه‌گ هه‌ردوگلا ره‌سينه‌ له‌يه‌كڕه‌سينه‌وه‌يگ له‌باره‌ى هه‌ڵوژاردن كانديد ئه‌را سه‌رۆكايه‌تى حكومه‌ت.

 

جى باسه‌، رووژنامه‌گه‌ ئاماژه‌ وه‌يه‌يش كرد ك ئئتلاف فه‌تح هادى عامرييش ئاماده‌گى خوه‌ى ده‌رخستگه‌ ئه‌را خوه‌يكيشانه‌وه‌ له‌ هاوپه‌يمانى سائرون ك له‌لايه‌ن موقته‌دا سه‌در سه‌ركرده‌ى ره‌وت سه‌درى پشتگيرى ئه‌كريه‌ێد.