هــــه‌واڵ كــوردى
دادگاى ناوه‌ندى دويا واده‌ دا حكومه‌ت كوردستان له‌باره‌ى هه‌نارده‌ى نه‌فته‌گه‌ێ

 دادگاى ناوه‌ندى دويا واده‌ دا حكومه‌ت كوردستان له‌باره‌ى هه‌نارده‌ى نه‌فته‌گه‌ێ


شه‌فه‌ق نيوز/ دادگاى باڵاى ناوه‌ندى ته‌ماشاى شكايه‌ت مه‌سه‌له‌ى هه‌نارده‌ى نه‌فت هه‌رێم كوردستان كرد ك راسه‌وخۆ له‌ خاكه‌يلێ دراوريه‌ێد و بڕيار دوياخستنى دا ئه‌را 27 له‌ مانگ حزه‌يران و مووڵه‌ت دا بريكار داواكار له‌بانى و بريار كه‌س سێيه‌م سه‌رۆك حكومه‌ت هه‌رێم كوردستان وه‌شيوه‌يگ كووتايى له‌وه‌ر پيشكه‌شكردن جواودانه‌وه‌ى له‌بان ئه‌و شكايه‌ته‌.

 

له‌ى باوه‌ته‌و، ئه‌ياس سامۆك قسه‌كه‌ر فه‌رمى وه‌ناو دادگاگه‌ له‌ به‌ياننامه‌يگ ك شه‌فه‌ق نيوز ئاگادارى بوى وت: دادگاى باڵاى ناوه‌ندى دانيشتنيگ وه‌ سه‌رۆكايه‌تى دادوه‌ر مه‌دحه‌ت ئه‌لمه‌حمود و وه‌ئاماده‌بوين دادوه‌ره‌يل ئه‌ندام ساز كردگه‌ و ته‌ماشاى ئه‌و شكايه‌ته‌ كردنه‌ ك وه‌زير نه‌فت ناوه‌ندى پيشكه‌شى كردگه‌ له‌باره‌ى ناده‌ستووريه‌ هه‌نارده‌كردن نه‌فت هه‌رێم كوردستان ك راسه‌وخۆ له‌هه‌رێم و پاريزگاى كه‌ركوك دراوريه‌ێد.

 

سامۆك وت: دادگا بڕيار مووڵه‌ت كووتايى داگه‌ ئه‌را پيشكه‌شكردن جواو كووتايى و ئه‌و داوايشه‌ دوياخرياگه‌ تا رووژ 27 له‌ى مانگه‌.