هــــه‌واڵ عــیراق
ناوخوه‌يى عراقى ئاشكراى 3 ساڵ زيندانى حوكم ته‌قه‌كردن كرد

ناوخوه‌يى عراقى ئاشكراى 3 ساڵ زيندانى حوكم ته‌قه‌كردن كرد


شه‌فه‌ق نيوز/ وزاره‌ت ناوخوه‌يى عراقى ئاشكراى حوكم زيندانى و ده‌سوه‌سه‌ركردن ئه‌و كه‌سه‌يله‌ كرد ك ته‌قه‌ێ هه‌ڕه‌مه‌كى ئه‌كه‌ن.

 

له‌ى باوه‌ته‌و، سعه‌د معه‌ن قسه‌كه‌ر وه‌ناو وزاره‌ته‌گه‌ ئه‌را شه‌فه‌ق نيوز وت: ئه‌و كه‌سه‌يله‌ ك ته‌قه‌ ئه‌كه‌ن و ده‌سگير بكريه‌ن زيندانى ئه‌كريه‌ن و ئيفاده‌يان وه‌رئه‌گريه‌ێد و دوياخريش دوسيه‌گه‌يان ئه‌خريه‌ێده‌ وه‌رده‌م لايه‌ن دادگا ئه‌را دادگاييكردنيان وه‌ گووره‌ى مادده‌ى 570 له‌ ياساێ سزايه‌يل و باس له‌وه‌يش كرد ك حوكم زندانى له‌بان ته‌قه‌كه‌ره‌يل 3 ساڵه‌و دوياى ئه‌وه‌يش مه‌سه‌له‌گه‌ ئه‌كه‌فێده‌ لاى قه‌ناعه‌ت دادوه‌ر.

 

جى باسه‌، زويتر سه‌ركردايه‌تى فه‌رمانده‌يى به‌غدا رينمايى دا مه‌ردم به‌غدا ئه‌را خه‌وه‌رداين له‌بان ئه‌و ته‌قه‌كه‌ره‌يله‌ ك له‌ وه‌خت وازيه‌يل هه‌ڵوژارده‌ێ عراق له‌ خول كه‌نداو له‌ كوه‌يت ته‌قه‌ كردنه‌.