ئابوورى
"ره‌شيد" قه‌رز ئه‌را سه‌ندن سه‌ياره‌ ئه‌ياد

"ره‌شيد" قه‌رز ئه‌را سه‌ندن سه‌ياره‌ ئه‌ياد


شه‌فه‌ق نيوز/ بانك ره‌شيد, ئاشكراى داين قه‌رز وه‌ خانه‌نشينه‌يل كرد ئه‌را سه‌ندن سه‌ياره‌، ئاماژه‌ وه‌يه‌يش كرد وه‌گووره‌ى رينمايه‌يل ئه‌و قه‌رزه‌ وه‌و مه‌رجه‌ دريه‌ێد ته‌مه‌ن كابراى قه‌رزكه‌ر له‌ 65 ساڵ زياتر نه‌دێ.

 

له‌ى باوه‌ته‌و، نويسينگه‌ى ره‌سانن بانك ره‌شيد له‌ به‌ياننامه‌يگ ك شه‌فه‌ق نيوز ئاگادارێ بوێ وت: بانكه‌گه‌ ده‌سكرده‌سه‌ داين قه‌رز ئه‌را سه‌ندن سه‌ياره‌ وه‌ خانه‌نشينه‌يل له‌وانه‌گ كار(نه‌خيل) ديرن وه‌بى كه‌فيل.

 

جى باسه‌، بانكه‌گه‌ هه‌ميش وت: له‌ مه‌رجه‌يل قه‌رزه‌گه‌ ئه‌وه‌سه‌ خانه‌نشينه‌گه‌ ئه‌سڵى بدێ و ته‌مه‌نيشى له‌ 65 ساڵ زياتر نه‌دێ و يه‌يش ده‌رخست ك ماوه‌ى داينه‌وه‌ى قه‌رزه‌گه‌يش 5 ساڵه‌ وه‌ قانجاز 8 له‌سه‌د وه‌ شيوه‌ى قست.