هــــه‌واڵ عــیراق
تومه‌تباريگ وه‌ تومه‌ت ته‌قاننه‌وه‌ى مه‌زارگه‌يگ شيعه‌ دريا له‌سێداره‌

تومه‌تباريگ وه‌ تومه‌ت ته‌قاننه‌وه‌ى مه‌زارگه‌يگ شيعه‌ دريا له‌سێداره‌


شه‌فه‌ق نيوز/ دادگاى باڵاى تاوانه‌يل له‌ ئستئناف رسافه‌ى به‌غدا، حوكم له‌سيداره‌داين له‌بان تومه‌تباريگ كرد وه‌ تومه‌ت ته‌قاننه‌وه‌ى يه‌كيگ له‌ مه‌زارگه‌ى ئايينى له‌ پاريزگاى نه‌ينه‌وا.

 

له‌ى باوه‌ته‌و، دادوه‌ر عه‌بدولستار به‌يره‌قدار قسه‌كه‌ر فه‌رمى وه‌ناو ئه‌نجومه‌ن باڵاى دادوه‌رى وت: دادگا حوكم له‌سێداره‌ له‌بان تومه‌تباريگ ده‌ركردگه‌ ك مه‌زارگه‌ى ئيمام زه‌ينولعابدين له‌ نه‌ينه‌وا ته‌قانه‌سه‌و وه‌ هاوبه‌شى وه‌ل تومه‌تباره‌يليگ تر ك كيشه‌يليان جياس.

 

به‌يره‌قدار هه‌ميش وت: ئه‌و تومه‌تباره‌يله‌ دگان وه‌ ئه‌وه‌ نانه‌ وه‌هاوبه‌شى ئه‌و مه‌زارگه‌ له‌رێ جليكانه‌يل پڕ له‌ مادده‌ى ته‌قه‌مه‌نى(TNT)ته‌قاننه‌سه‌و.