هــــه‌واڵ كــوردى
بارزانى دانيشتنيگ وه‌ل نه‌قيب سه‌نديكاى رووژنامه‌نويسه‌يل عراقى سازكرد

بارزانى دانيشتنيگ وه‌ل نه‌قيب سه‌نديكاى رووژنامه‌نويسه‌يل عراقى سازكرد


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، له‌وه‌خت پيشوازيكردنى له‌ موئه‌يد لامى نقيب سه‌نديكاى رووژنامه‌نويسه‌يل عراقى باس له‌ بارودوخ سياسى عراق و هه‌وه‌جه‌ى له‌يه‌كڕه‌سينه‌وه‌ى ملله‌ته‌يل و پيكهاته‌يل عراق كرد و رووشناييش خريا بام قوناغه‌يل مێژوويى سياسى عراق و په‌يوه‌نديه‌يل ناونى هه‌رێم كوردستان و به‌غدا.

 

پارت ديموكرات كوردستان له‌ به‌ياننامه‌يگ ك شه‌فه‌ق نيوز ئاگادارى بوێ، وت: له‌و ديداره‌ جه‌خت له‌ رۆڵ ره‌سانن له‌ بڵاوكردنه‌وه‌ى كلتوور وه‌يه‌كه‌وژيان و له‌يه‌كڕه‌سينه‌وه‌ كرياگه‌و ئه‌وه‌يش خرياسه‌ روێ ك بايه‌سه‌ راێ گشتى عه‌ره‌بى له‌ڕاسى و ره‌وايى داواكارى و مافه‌يل ملله‌ت كورد بڕه‌سنه‌وه‌و دى هه‌وڵ نه‌دريه‌ێد ك ناكووكى سياسه‌ ناونى هه‌رێم كوردستان و به‌غدا بكريه‌ێده‌ دژايه‌تى و دوشمنايه‌تى ناونى نه‌ته‌وه‌يل و له‌ هه‌مان وه‌خت رۆڵ ره‌سانن و رووژنامه‌نويسيش له‌ ڕاسكردنه‌وه‌ى راى گشتى عه‌ره‌بى له‌باره‌ى ملله‌ت كوردستان وه‌ گرنگ تاريف كريا.

 

جى باسه‌، بار رووژنامه‌گه‌رى له‌ عراق و مه‌ترسيه‌يل هزر تونڕه‌وێ و تيرۆريس ته‌وه‌ريگ تر ئه‌و ديداره‌ بوين.