هــــه‌واڵ كــوردى
پۆليس هه‌ولێر ئاشكراى خوه‌يكوشتن پێشكه‌شكاريگ به‌رنامه‌ كرد وه‌ بوونه‌ى قه‌رزارێ

پۆليس هه‌ولێر ئاشكراى خوه‌يكوشتن پێشكه‌شكاريگ به‌رنامه‌ كرد وه‌ بوونه‌ى قه‌رزارێ


شه‌فه‌ق نيوز/ عه‌بدولخالق ته‌ڵعه‌ت وه‌ڕيه‌وبه‌ر پۆليس هه‌ولێر ئاشكرى خوه‌يكوشتن پێشكه‌شكاريگ به‌رنامه‌ى ته‌له‌فزيۆنى كرد له‌ يه‌كيگ له‌ كه‌ناڵه‌يل ئاسمانى له‌ناو كافترياگه‌ێ خوه‌ى ك ديرێده‌ى له‌ هه‌ولێر پايته‌خت هه‌رێم كوردستان.

 

ته‌ڵعه‌ت ئه‌را(شه‌فه‌ق نيوز)وت: ئيواره‌ى دوشه‌ممه‌ كابرايگ له‌ كوردستان ئيران ك پێشكه‌شكار به‌رنامه‌يگ ته‌له‌فزيۆنيه‌ له‌ كه‌ناڵ كوردسات خوه‌ى وه‌ ده‌مانچه‌ له‌ناو كافترياگه‌ێ خوه‌ى كوشتگه‌ ك موڵك خوه‌يه‌ له‌ هه‌ولێر.

 

جى باسه‌، وه‌ گووره‌ى قسه‌يل هاوڕيه‌يليشى ئه‌وه‌ ده‌ركه‌فت ك وه‌رجه‌ كوشتنى وه‌ ماوه‌ى كه‌ميگ باس له‌وه‌ كردگه‌ ك قه‌رز فريه‌يگ وه‌لايه‌و بويه‌و بڕ يه‌ك مليۆن دۆلار قه‌رزاره‌و تواناى داينه‌وه‌ى نه‌يرێد و يه‌يش كاريگه‌رى له‌بان حاڵه‌ت ده‌روينيى كردگه‌و دوياخريش چيه‌سه‌ نهۆم دويه‌م له‌ باڵه‌خانه‌ى كافترياگه‌و خوه‌ى كوشتگه‌.